Zosuan leh Zosuan lo bangci khending

Zosuan leh Zosuan lo bangci khending

Khatvei Taingen Lamka ah mi 100 dektak khawng nakhawl uh aa khualzin khawm nih kihona anuai aa bang ahihi.

K1. Hua aa mihon teng koi lam pan kua te ahialeh!
K2. Na theihnop leh na en gige ou! “Mawtaw pai tading kahta vuau!, Kah pah ngeingai ahihman in, kua minam cihbel thei keng, Zomi bel hikei hamtang! kici uhhi.

A khangdeuh lambawl na aa khawl, hon khat mu leuleu uh ahihman in
K1, Huate ee leh kuate hi-in na um aa
K2. Mawtaw pai tading kahta vuau! acihleh a kinai pen aa om khat in “Nang kua naita lawm?” ci-in nadong pah ahihman in, “ZOMI himek uh ei, lawm” kici uhhi.

Phatzang tunciang honkhat mu leuleu uh aa,
K1. Huate ee leh” kici leuleu uhhi.
K2. “Ute naute, kei pen noteng kisap bangbang ong vaihawm pih ding, mawtaw nungzui thak kahihi” akicihleh akhutlen pah ngeingai uhhi. “Zomi hikei mek uh ei!” Apaamdeuh aa a phengtut (tu khawmlo) honkhat lak pan khat ong paiphei aa, “Mawtaw nungzui aluipa koi ah om hiam, nang cikni aa kipan nahiam? Nasep ong pia kua hiam? Nang athak khat in bangteng sem thei nahiam? ong ciphei ahihman in, “Hua lam aa tuteng Zomi hihamtang uh ei!” kici uhhi.

A upmawhbek hiphot ahihman in, “Pai tani ei guai, mawtaw tung kah tavuau!” acihleh agei aa hontut teng kahpah lingling uh aa, a phengtut ngeingai teng khaini kipia tawh, zun buuk lam manawh tawh, zatep pansan tawh, ading khia pak lotawh om zelzul uhhi. “Zomite hileh kilawm” kici uhhi.

Tuakawmkal ah khat leh nih mawtaw tung na tukhin uh aa, tuate leuleu mi’ tuah kal aa mun hoih ngah nading, mun lakhol aa tuak ngamlo ahi uhhi.”Zomi sit tak ei! confirmed! acihleh a gei aa khat in double confirmed nacih beh laihi.

Mawtaw tung atun uhciang a hon kikholh pianteng in Biakna la, gam itna la sakhawm ngelhngelh uh aa, a kiim aa honkhat, Tedim, BBC Lst sang aa Siapi Dr Thuam kammal kawm pak lehang, “mi’ thu gen in manlah peuhmah uhhi” Amau teng mah nai tiktek aa kigen uh ahihi.

Ahoihna zong om veve hi. Azenzen in, Phatzang aa a hon khawl laitak un, deihloh pen, upmawhlohpi in bomb tangkhat ong kia or a gei aa singkungpi khat ong pukvat hileh a hon tut teng in hon thuak ding uh cihna hi aa, aphengtut tengbel honthuak omlo, lak thuak ding uhhi. (Ka thatang hoihkaih gawpna ahih lam no tek inzong theisam nuteh) Cimphawng aa i gelhpong hi, a cimlo om ngelding ihihteh, ong phunsan kei un. Keibel tuteng cim ka hihman ahihi. Hang Khan Lian