Sangnaupang apua School Bus khatleh Lorry kiphukha, mi 4 si, 6 liam

Sangnaupang apua School Bus khatleh Lorry kiphukha, mi 4 si, 6 liam

Malaysia, Sarawak State sungah tuzingsang in sangnaupang apua “School Bus” khat tuahsia in mi 4 si cih NST pan kiza hi. Samalaju, Jalan Pesisir Bintulu-Miri kici lamzikpi tungah tuzingsang in School Bus khatleh Lorry mawtawpi khat aki phukha ahihi.

Tua School Bus sungah sangnaupang 23 atuangkhawm uh hi a, Lorry mawtawpi ii anunglam nakphutkhak mahmah in, tua mawtaw nihte lamzikpi ngei ah tuksuak lodeuh in khawltuak uhhi.

Tua sangnaupang tepen Oil Palm Plantation sungah nasem te ii atate vive hi uh a, asi mi 4 lakah sangnaupang 3 kihel uhhi.

Asi sangnaupang tepen Primary School akahpan hi uh a, kum 9 panin kum 11 kikal vive ahihi. Alua leh apumpi te uh nakliam mahmah in, Bintulu Hospital ah kipuak himahleh zato panin asi uh ahihi.

School Bus ahawlpa pen kum 50 aphakhin khat hi a, amahzong amai a Lorry aphutkhak ciangin aphual ah sipah hi.

Sangnaupang adang mi 6 zong liam uh a, Bintulu Hospital mahah Outpatient Treatment in zatui kibawl uhhi.

Assistant Driver leh adang sangnaupang te ahihleh bangmah liamna omsamlo in suaktathei uhhi.

Video: Three children dead as schoolbus ploughs into lorry on the way to school

Hihvai tawh kisai in palik thunei ahi Bintulu district police chief Superintendent Zulkipli Suhaili in agenna ah hih tuahsiatna pen hongki zasak in, hihvai tawh kisai in bangci bangin tuahsiatna piangtheihiam cih akician in aki kansan laitak hi ci’n genkhia hi.

State Fire and Rescue Department spokesman khatin agenna ah hih mawtaw tuahsiatna aom ciangin zingsang 6:12am hunpawl in hongki zasak cihi.

More: Yangon ah sangnaupang Tan 9 akahlaitak abuanpa kum 23 thong kiadingin thukipia

Mawtaw tuahsiatna pen huaisia mahmah in, sangnaupang khatbang atutna ah ki kilhcip, awkcip hi ci’n Spokesman in genkhia hi. Sawltak #zomidaily