Facebook in mi pawlkhat asi ci in tangko khial

Facebook in mi pawlkhat asi ci in tangko khial

Facebook in Users pawlkhat asi ci in tangko khial uhhi. Hihbang in a tangko khialh, a pholak khialhlam uhzong amauleh amau kithei uh a, khialmahmah ung ci’n Friday ni in genkhia uhhi. Tuabang in aki tangko khialtengzong puahphakik khinta ung ci uhhi.

Facebook Spokesperson khatin hihvai tawh kisai AFP te kiangah agenkhiatna ah asikhinsa te phawkna in akizang Memorialized Profiles pen Facebook Users pawlkhat in Accounts tungah ki suakkhial sakkha hi ci’n genkhia hi.

Hihpen khialhna liampha mahmahkhat hi a, ahi zongin tu’n avekin ki puahphakik khinta hi ci’n genbeh hi.

Facebook te’n asi in a tangkokhialh lakah Facebook abawlkhiapa Facebook co-founder & Chief Executive Mark Zuckerberg zong naki helcitciat hi. Zuckerberg ii Facebook Profile tungah “Remembering Mark Zuckerberg” ci’n misisa te ii Facebook Account tungah akigelhdan in naki gelhsak mawk hi.

Media Reports pawlkhat te genkhiatna ah hihbang in Facebook Profile tungah aki tangko khial pen Account 2 Million bang phading ci uhhi. Facebook thunei te’nzong atheihphet in puahphapah uh a, sawtveipi kikoihman samlo hi.

Tuabang in akikoihkhial Facebook User pawlkhat in “kei sinai kei ing ei” ci’n ciamnuih leh cihtak tawh, aheh kawmkawm tawh, aki ciamnuih ngeingai zong pawlkhat omtuak hi. Mark Zuckerberg sita hi “Mark Zuckerberg is dead” ci’n akhial paupau zong pawlkhat kiza hi. ZD Sawltak #zomidaily