Indonesia, Lombok ah zin lingkik leuleu, mi 91 sikhin in 209 liam

Indonesia, Lombok ah zin lingkik leuleu, mi 91 sikhin in 209 liam

Indonesia gamsung aom Resort Island minthangkhat ahi Lombok ah magnitude 6.9 hatna tawh zin linggawp in, mi 91 takin sihlawhkhin cih Reuters pan kiza hi. Nungdiak nungkalsung inzong hih Lombok Island sungah zin khatvei aling ngeikhinsa hi a, hihpen kalkhat huamsung ah nihvei alinna ahihi.

National Disaster Mitigation Agency (BNPB) te genkhiatna ah zinling pen huaisia mahmah ahih manin, misi sazian pen kibehlap totothei khading hi ci’n genkhia sawnsawn uhhi.

Zinlinna hangin inn akicim tultampi pha in, adiakdiak in leilu (North) lamsang ah Epicenter tawh akinaidiak munte pen limsiat phadiak kici hi.

Zin alin ciangin Lombok Area pawlkhat ah Electric Power te kisia in, khatlekhat ki thuzakna Communication tezong kitat sawnsawn hi. Indonesia galkap te’n tua Lombok Island ah zatui “Medical Aid” honkhat leh nektheih honkhat apuakding ki paikhiasak khinta cihi.

Indonesian Red Cross te’nzong zin alinlian laitak in nupi naupaai khat nausuakding in ki panpihthei hi ci’n Twitter tungah gelhkhia uhhi. Tua naungek pen pasal hi a, aminding in “Gempa” kiphuak hi. Gempa cih Indonesia min ii akhiatna pen zinling “Earthquake” acihnopna ahihi.

Abeisa kalsung July 29 ni in hih Lombok Island sungmah ah Magnitude 6.4 thahatna tawh khatvei zin alingkhinsa hi a, tuahun in mi 17 takin sihlawhkhin in, aliam bekbekzong zavalbang pha kici hi.

Video: Rescue workers found chaos and destruction across the Indonesian resort island of Lombok on Monday after a magnitude 6.9 earthquake killed at least 91 people and prompted an exodus of tourists rattled by the second powerful quake in a week. The National Disaster Mitigation Agency (BNPB) said the death toll was expected to rise as information came in from areas where thousands of buildings collapsed or were badly damaged, especially in the north, the quake’s epicentre.

Zanni Sunday nitaklam in khatvei alingkik leuleu hi a, tua anihveina zinling pen khauhmahmah, thahat mahmah hi ci’n Indonesian Agency for Meteorology, Climatology and Geophysics (BMKG) te’n genkhia uhhi.

U.S. Geological Survey te genkhiatna ah tua anihveina zinling pen Magnitude 7.0 tawh kipanin tuakhit ciangin 6.9 ah kiamsuk cihi. Zinling pen khauhlua mahmah ahih manin, Tsunami Warning zong ki tangko khiaman cih kiza hi.

Asi bekbek pen mi 91 phakhin in, tua asite lakah gamdangmi kuamah kihelkhalo uhhi. Aliam bekbekzong mi 209 bang phahi ci’n BNPB Spokesman Sutopo Purwo Nugroho in News Conference ah genkhia hi.

More: Asian Tsunami pianzawh kum 12 cingkhin himahleh misi luang 400 anei kitheinailo

Indonesia gampen Pacific “Ring of Fire” kici meimual puakkhamte akizopna tungah omkha citciat ahih manin zinling in nawkkha pahpah hi. 2004 kumsung Indian Ocean Tsunami hunlai in gamtuamtuam akigawm gam 13 panin mi 226,000 bangin sihlawh uhhi. Tualak ah Indonesia gampanin asi bekbekzong mi 120,000 valbang pha kiciliang hi. Sawltak #zomidaily