ZYA – Tedim nasepna pawlkhat (Aug 27)

ZYA – Tedim nasepna pawlkhat (Aug 27)

1. A beisa July kha sung guah tam luatna hang in Gawngmual Khuamite tuinek vasih lui buan nawi bekbek luang a tuinak khempeuh uh ki sia hi. August 26, 2010 ni ZYA-Tedim in Gawngmual Khuamite tuinaak puah kik na ding in sumtang 300000 Ks tawh pan pih uh hi.

2. A beisa July kha sung mah in Valvum khua ah huih leh guah khauh kithuah ahihman in Lokho mimal 129 te vaimim kung ciinna lo acres 172 val kisia hi. August 27, 2018 ni ZYA-Tedim in Valvum khua Vaimim lo kisiate ading antang ip 20 tawh panpihna nei uh hi.

3. Zomi Zuun Pawl (ZZP) kipawlna in Tedim Zatopi ading Steel tutphah mal 3 ciang kop 1 te kop 4 ZYA Myanmar HQ tung tawn in hong khak uh a ZYA-Tedim makaite in Zato vaisai te kiangah August 27, 2018 ni in va ap uh hi. Tedim – August 27

Huih khauhluatna hangin ankung Acres 172 val kisia

Valvum – July 25 | July 20, 2018 ni zingsang nai 6:00AM pawlin huih khauh zek leh guah kithuah ahihmanin Tedim Township Valvum khua ah Lokho mimal 129 te vaimim kung ciinna lo acres 172 val kisia hi. Hih vai tawh kisai Tedim Administration zumpi ah zong July 23 ni in zasak khin uh hi.

“Tukum an kila theilo hiau ding ahihmanin khuasung mite lungkham mangbang thei mahmah uh hi ung… gam sung/gam pua om akuamapeuh in hong panpih ciat un´´ ci-in Valvum khua Hausa Pa Tuan Do Thang in Tedim Post tungah gen hi.