USA, Maryland & Delaware sungah mi 6 thautawh akappa kimankhin

USA, Maryland & Delaware sungah mi 6 thautawh akappa kimankhin

USA gamsung Maryland State leh Delaware State sungah mi 6 thautawh akappa kimankhin cih Fox News pan kiza hi. Tuapa minpen Radee Labeeb Prince hi a, kum 37 aphakhin khat ahihi ci’n Harford County Sheriff Jeffrey Gahler in pulakkhia hi.

Maryland sungah mipawlkhat thautawh akapkhit ciangin taimang a, Delaware sungahzong mi pawlkhatmah thautawh kapleuleu cihi. Tuaciang in Delaware State sungpan in Wednesday nitaklam in Police te’n amatkhiat ahihi. Hihpa gamtatna, thautawh mi akapna hangin mi 3 in sihlawh a, adangzong mi 3 liam cih kizakbeh hi.

USA, Maryland ah thau kikapna piang, mi 5 kikapkha in 3 sikhin

USA, Maryland State sung aom Office Park khatah Wednesday zingsanglam in thaukikapna piangin, mi 5 kikapkha cih CNN pan kiza hi. Harford County sheriff’s office te’n genkhiatna ah tua thaukap Shooter pen ki khahsuah in, kimanzo nailo cihi.

Maryland, Baltimore panin 30 miles khawng agamlatna Edgewood aom Emmorton Business Park ah thupiang hi a, thautawh akappa pen tuaphual panin taikhiapah cihi. Hihvai tawh kisai in mi khatzong kimanzo nailo hi ci’n Deputy khatin genkhia hi.

Thautawh akikapkha mi 5 lakah 2 tepen gimmahmah uh a, Critical Condition kici hi. University of Maryland Medical Center tawh akizom Baltimore’s Shock Trauma Center ah tua aliamte kipuak uhhi.

Insterstate 95 Interchange kuamsungteng, Office Complex sungteng ah Police Vehicle vive tampi kigual deudau cihi.

Bureau of Alcohol, Tobacco, Firearms and Explosives paninzong Special Agents te thau kikapna aphual ah delhpah uh a, Sheriff’s Department te ahuhding in apai uh kici hi.

Edgewood Area sungteng aom sanginn 5 tezong avekin ki khakcipsak, Lockdown sakphot hi. Sangnaupang khempeuh sanginn huangsung, Building sungah ki omcipsak in, Visitors zong kuamah kiphallo cihi. County School System zui in, sangnaupang te akidalkholh theihnadingin Sheriff’s Office sawlna tawh akisem cihi.

More: US Texas State sung aom innsung khatah thau kikapna piang, mi 8 si, 2 liam

WBALTV te pulakna ah akikapkha pen mi 5 hi a, tualak ah mi 3 tepen sipah uh a, adang mi 2 tepen liamngawh mahmah uh ahih manin, zato kipuakpah cihi. Breaking News ahih manin, athu akicing sitset in bangmah theihcianna omthei nailo hi. Theihbehhuai akilawm te ahunhun in Comment Box pan ahi zongin ki Update toto ni. Sawltak #zomidaily