Indonesia, Aceh ah namgimtui khuk meikanggawp in mi 10 si, tampi liam

Indonesia, Aceh ah namgimtui khuk meikanggawp in mi 10 si, tampi liam

Indonesia, Aceh Province sung aom namgimtui khuk meikang in mi 10 valin sihlawh cih AFP pan kiza hi. Tua namgimtui khuk “Oil Well” pen phalna zong aomlo, illegal in akito ahihi.

Tuesday ni zingsanglam 1:30am hunpawl in namgimtui akehkhia aluangkhia te meikuang kipan hi. Khuasung mipi te teenna Residential Area tengah meikanggawp ahih manin, inn 3 peuhmah kangtumding kici hi.

Zingsanglam 1:30am hunin meikuang akipanpen zingsang khuavak dekphialdong meikuang ki phelhsiang zonailo hi.

Head of Aceh’s Ranto Peureulak Subdistrict makai asem ahi Saiful in agenkhiatna ah meikuang pen vandawn ah sangpi in kuangto zaizai in, phelhsiang hamsa mahmah cihi.

Indonesia Police te genkhiatna ah misi bekbekpen luang 10 kimukhia khinta a, adangzong asi omlaithei ci uhhi. Aliam zong mi tampi om ahih manin, Local Hospitals te ah kipuak kawikawi in Treatment kibawl kawikawi hi.

Meiphelhding in meiphelh Firefighters te’n aphual ah delhpah in, kumpi neihsa State-owned Oil Company Pertamina te’nzong ahuhtheih bangbang un meiphelhding in panpih uhhi.

East Aceh sungah namgimtui tawhkhiatna Oil Mining Operations aneuneu pawlkhat omin, atamzaw pen kumpi theihpihna omlo, illegal in khuasung mipi te’n atawhsim uh hizaw hi.

More: Pasal leh pasal aomkhawm lawmta te mipi maiah tawsat ki thuaksakta

Indonesia gamsung aom Aceh Province pen Muslim biakna akhauh phadiakna munzong hi a, leitung News tuamtuam te ah aki zathei zelzel Province khat ahihi. Sawltak #zomidaily