Hitheilo hiven maw!!! ~ Rev. Fr. Damian Dal

Hitheilo hiven maw!!! ~ Rev. Fr. Damian Dal

Ei theih pen aman pen uut,
Ei deih bang kilungkim pih leh uut,
Ei hih bang kisangsiam leh uut,
Ei tel bang kitelpih ciat leh uut,

Ei gel bang ki thukimpih leh uut,
Ei gen bang kimang leh uut,
Ei thuahciang kihehnem leh uut,
Avek in gawmleng “uutna” vive!

Ei uutbang hongpian lohciang, i uut loh teng piang;
Tua te in:
Kitawng, kisel, kiko, kilangpan, kigalbawl, kiholo,
Kimudah, kilehdo, kikhen, kinusia, kidonlo, kikhual lo, ect.

Aw… Leitung… leitung,
Ei uutbang hiden theilo hiven maw!
Hih thu thei nagegu ei uutna mah civeve laiding maw..!
Uutloh tengmah piangzel ding lunglen huailua lo ding maw!!! By Nimdildial