ZOMUS: Aims and Objectives

ZOMUS: Aims and Objectives

ZOMUS i cih in, Zomi Music Uplift Society cihna hi a, 2000 kum in anuai a teng in na phuan uh hi.

1. President Pa En Khan Nang 2000 –
2. Vice President Rev. Ngul Cin Thang 2000 –
3. Secretary Sia Thang Za Pau 2000 – 2004
4. Secretary (1) Tg. Thomas On Sian Mung 2000 –
5. Secretary (2) Sia Thang Nen Pau 2000 –
6. Treasurer Pa Gin Khan Langh 2000 –
7. Accountant Pa SB Suan Khan Langh 2000 –

Tua hunlai aa Advisor ding aa agualh uh:

1. Pro. Dr. C. Thang Za Tuan
2. Pa Awn Za Pau
3. Pa Eddie Ngin Hang
4. Rev. Dr. Cin Do Kham
5. Rev. Dam Suan Mung

Tulaitak office bearers teng anuai a bang hi:

1. Pa En Khan Nang (President) 2000 –
2. Tg. Pau Lun Min Thang (Vice President I) 2007 –
3. Sia Nang Sawm Piang (Vice President II) 2007 –
4. Sia Ngul Cin Thang (Vice President III) 2000 –
5. Tg. Mung Laan Thang (General Secretary) 2000 –
6. Tg. Stephen Gin Lal Mang (Secretary I) 2007 –
7. Sia Khaino (Secretary II ) 2007 –
8. Sia Thang Nen Pau (Secretary III) 2000 –
9. Pa SB Suan Khan Langh (Treasure) 2000 –

Advisors:

1. Rev. Dr. S. Pau Khan En
2. Prf. Dr. C. Thang Za Tuan
3. Dr. Mang Cin Pau
4. Rev. Dr. Dam Suan Mung
5. Rev. Dr. Khup Lian Mang
6. Pa Pum Za Kap

Note: Secretary sem masapen Sia Thang Za Pau tua khit teh( 2000- 2004), Sia Suan Khan Lian (2004-5), Tua khit teh Tg. JK Pau Khan Kam @ JK Kam (2006), tulai tak kei mah Tg. Mung Laan Thang. Accountant pen Lia Vial San Lun ( 2005-7) hi a, amah tu’n Malaysia ah omta ahih manin ama’ mun awnglai hi.

Ngiimna leh Tupna:
Ngiimna leh Tupna pen Motto ah atom kim in kimu theipah ding hi.

Motto:

Preserving, Promoting , Unifying

Preserving: Zomite’ ngeina hoihte kemcing ding. Hih mun ah sepding tampi om hi. Zomite’ Music Instument teng kaihkhop ding bek zong vai lianpi khat hi khin hi. Leitung a upa mahmah khat a kigen Pentatonic Scale leh Blue Scale te ih Zo Ngeina Lapi sung ah na om citciat hi. Zo Instrument sung ah zong aw 7 ( Diatonic) a om nangawn na om hi. Tuni dong in Minam lian pipi pawlkhat te’n nei nailo uhhi.

Promoting: Atung a i gen ih ngeina hoihte Mite’ theihding a pholak ding. Akisamte beh lap ding. Zuun ding. Zomi sung ah pat tah huaite pantah ding, pahtawi huaite pahtawi ding.

Unifying: Beh, Kampau, Biakna Pawlpi, Gamgi cihte tawh khen theih tawp a kikhen thang Zomi te Music thahatna leh itna masuanin kaai khawm ding. Gawm tuah ding.

Fund Ngahna:
1. Zomi Student & Youth Organization ( East ) – ZSYO Ks. 10,000
2. Zomi Innkuan Singapore ( ZIS ) Ks. 125,000

Note: Tuni tan ZOMUS in Ks. Million a sim kibei khin a, atamzaw Treasurer in si hi.

Sepsa Teng:
Kum sial in Khuado kibawl ngiat ngiat den. 2004 kum in VCD volumm 1 bawl khia. 2005 kum Tedim a kibawl Zomi Fentival of Praise a kizang Sound System, Lasa ding leh atum ding teng ZOMUS in vai hawm. Tua Pawi ah Zomi music lam a dainawk masa 10, laphuak siam 10, atum siam 10 te pahtawina pia. Ngaih Anglai Ah sung a kineih siam Lia Cingno ” Lengtong Hoih Award” pia. Pa Pum Za Kap Zola series tambawl pen Pahtawina pia. Gamdang Music sangman teng zong pahtawina pia. 2005 kum mah in Tedim, Kawlpi, Singapore leh Malaysia ah ZOMUS Branch hong. 2006 kum in Tonzang ah ZOMUS Branch hong. 2006 kum sung Prof. Dr. C. Thang Za Tuan in PH.D hongngah ciang in ( ZOMUS Advisor ahih man in ) lungdam pihna lai pia. Lengtong Pauno’ lasak zawh kum 25 cinna pawi leh Lengtong Kam Khen’ kum 50 cinna pawite ah zong Pahtawina pia. 2006 kum Nov. 11 ni in Live Show nasia tak a bawl. Tua live show pen ZOMUS VCD Volumn 2 hi pah . 2007 kum April 23 pan May 25 dong ” ZOMUS SUMMER MUSIC TRAINING – I” kipan. Tuahun sung Singapore ZOMUS te’ thusiamna tawh TS Khai Singapore leh Malaysia ah ZOMUS min in ki paisak. Zogam Lalpu’ birthday & ordination ngahna pawi ah zong pahtawina pia.

Seplai Dingte:
1. Short Term Planning
a. Sepsa teng zomto suak ding.
b. Zomite tam deuhna mun khempeuh ah ZOMUS Branch phuan ding. By-law neihzawh masiah tua ZOMUS Branchte amau’ mun leh mual tawh kituak in ZOMUS tupna leh ngiimna atang tun theihna dingin suakta tak a septheihna pia ding.
c. ZOMUS Member teng leh Mipi tawh ki thuzak tuah nading ” ZOMUS Newsletter ” bawl zawhna ding.
d. ZOMUS Website kician mahmahkhat neih zawhna ding. Tua website pan VCD dong akizuak zawhna ding.
e. Computer (Scanner, Printer, etc ) akim a neih zawhna ding. Zum inn ding mun hoih khat kawm zawhna ding.

2. Long Term Planning

a. Leitung Bup ahuamzo Zomi Idol contest neihzawhna ding.
b. Zum Inn leh Studio hoih mahmah khat neihzawhna ding.
c. Gam Lapi (National Anthem) neihzawhna ding .

Tua ahih manin atung a ih gensa teng hong tangtun theihna dingin ih pan khop loh hong phamawh ding hi. Zomi leh Zogam a it khempeuh tawh a pangkhawm dingin ZOMUS mansa in om hi . ” Pankhopna in gualzawhna hi ” .

Lungdam,

Thangboi
ZOMUS
Zangkong