Malaysia Zomi Genvai Kipawlna (ZSM) Thukhun

Malaysia Zomi Genvai Kipawlna (ZSM) Thukhun

Zomi Social-Welfare of Malaysia (ZSM)
Bylaw

A. Min, Omna, Gamgi
I. Amin:Kipawlna minpen Zomi Social- welfare of Malaysia (ZSM) Zomi Genvai Kipawlna kici ding hi.
II. Amun:Jalan Maharajalella, KL, Malaysia
III. Gamgi:Malaysia Gamsung teng.

B. Ngimna
I. Malaysia a om Zomite Sihna Mannate-ah khat leh khat vai kipuakpih ding.
II. Luang pham ding omlo Zomite sihna manna aphu kha I omleh panpih zawh nang.

C. ZSM Member Lutna Dingin A Kisam Thute
I. Malaysia gamsung a om Zomi hi hamtang ding.
II. Hih kipawlna thukhunte zuihdingin athukim pih mi hi hamtang ding.
III. Azi (or) Apasal, Anu (or) Apa khat zawzaw Zomi hi hamtang ding.

D. Pawl Lutna
I. ZSM member fee kum 1 ai RM10, Calendar kum January 1st pan December 31st ciang huam ding hi.
II. March kha ciang anunung penin ZSM zumah apia peuhmah pawlmi hi pah hi.
III. March kha akhen khit ciangin RM15 hita dinga ZSM zumah khiata ding hi.
IV. Kum ciangtan omlo mi khempeuhin member sum khia ding hi.
V. Pawlpi (or) Khua Kipawlna khat ai cih bangin ZSM sum khia theilo ding hi.

E. Member Khat I Ngah Theih Ham Phatnate
I. Han leitang leina, Bus 1, Hall sap leh Bulletin bawlna.
II. Han tan theihna ding a kisam zum vai khempeuh (Palik zum, UN zum, Zato) kipanpih ding hi.
III. Mun nihah pawllutte (ZSM leh Canaan, ZSM leh ZCCM), a sih ciang a Pawlpite’n a vui leh sumtangin RM2, 000 kipia ding hi.
IV. Biakna ngeina vai khempeuhah kipanpih ding hi.

F. Member Lutlote
I. Biakna Pawlpite, Khua Kipawlnate leh Kipawlna khat peuhpeuh panin min sazian leh kum sum RM10 akipuakna-ah akihello min khempeuh member pualam mi-in ki ciamteh ding hi.
II. ZSM member lutlo khat sihna tuakin hong ki koh leh Palaaite in athu leh la vanpih dinga, Palaai thaman, Siampi noptuamna leh beina khempeuh sineite in pia ding uh hi.
III. ZSM member lutlo Zomi khat sihna tuakin, a vanding a om kei leh ZSM in mei-ah halna (Cremation) ciang kipanpih ding hi.

G. ZSM Fund leh Fund Raising
I. Pawlpi (or) Khua kipawlna leh Kipawlna tuamtuamte bulphuh in memberte khiat kumsum RM10/RM15 pen ZSM fund sum dingin ki ciamteh hi.
II. ZSM tawh a kipawl Biakna Pawlpite leh Khua Kipawlnate in “Kizopna Sum” kum 1 in RM200 ZSM zumah puak ding hi.

H. ZSM Kilam Zia
I. Thu dotpi (Advisor-6)
II. Office Bearer OB (7)
III. Pawlpi leh Khua Kipawlna pan palai (Delegate-1)
IV. ZSM President (or) Secretary panmun ZAM Palaaite in hong la ding hi.

I. Fund Sum Zat Theihna
I. Haan leitang leina leh Bus sap, Hall sap leh Bulletin bawlna.
II. Palik zum, UN zum, leh Zato paina leh TA tuamtuam.
III. Thu kizakna (Phone bill) leh zum van zatte
IV. Siampi noptuamna
V. Kizopna Sum khia Pawlpi (or) Khua Kipawlnate sungpan mimal member lutlo 1 a sih leh a vui Pawlpi (or) Khua Kipawlnate tungah sihgalna RM500 kipia ding hi.
VI. Meeting Refreshment te