Zopuan Designer ~ Dr. Dongno

Zopuan Designer ~ Dr. Dongno

Sitni Pu Cin Sian Thang tawh 1958 kumin Rangoon Arts and Science University ah ka kah khawm uh hi. Ama’n Arts la-in ken Science ka la hi. 1964 kumin BA ong hi. LLB 1967 kumin man aa tua khit-teh Tedim leh Kawlpi ah Law practiced hi. Siamsin a phuan khia ko, mi giat sung ah kihel lo hi. President zong sem ngei lo hi.

Zomi ulian tampite tawh Sitni Pu Cin Sian Thang leh kei zong 1972-1974 kum nih sung Ne Win kumpi-in Zomi makai dingin upmawhna thu bek tawh ong keem hi. Oct 10, 1974 ni-in, Pu Son Cin Lian, Pu Lian Uk, Capt Hei Er, Plain Chin pan Bohmu Kyin-te tawh Mandalay thong pan ka pusuak khia uh hi.

Hih Zopuante ka bawl lai tak in, Col. Moong-in design suai man lo ding hi. Talaka Chairman sem nawn lo hi. Kawlgam khanglam gal daalin Pha-an ah ll Brigate Commander in om aa, gal vai leh State Security & Administrative Committee nasep tawh thuahin buai mahmah aa asawt lo-in Pathein ah Southwest Command, Deputy Commander in piang hi.

Tu-aa tualpuan leh Zo nik ka bawlna thu acingin, 1968-69 ZOMI Zingsol Magazine ( Chairman, kasep lai) leh ZOLUS Journal No 16, ah ki suak sak khin zo hi. [ZOMI ZINGSOL, Zangkong Zomi Siamsin Magazine 1968-69pp ah suak ngei hi. Laigelh leh Zopuan abawl (designer) pa Dr James Suan Za Dong in puahpha kikin theihhuai sa-in kong pulak kik uh hi. Amah tu laitak Sydney khuapi, Australia ah teeng hi. Ed. ZOLUS; ZOLUS No 16.]

Tua lai aa, Siamsin Kipawlna leh Zo puan Committee aa ka seppih, Dr Tual Khai (Yangon) EC member, Siapi En Khan Suan, (Rtd Chin State Physical Education Officer, Haka) EC, Dr Dam Khua Nang ( International Olympic Committee ah Course Director, Ygn,) EC, Lt Col. Dr Kam Khan Thawng,Rev, (Pathein) mem, Pu Awn Za Pau Rtd. Lam Menzi (Tulsa US) mem, Siama Dim Lam Cing (Norman USA, a pi in Zonik agat, a nu Pi Niang Za Dim apiak zong design ka bawl ciangin ka etteh-te lak ah khat hi), Pu Kham Go Pau ( OK USA)-te leh Pu Sian Khan Mang Tulsa, USA-te leh na khuapihpa Pu Lam Za Mung BE te tungahzong ki dongtheihi.

Norman, USA aa om Nu Ciin Man Niang leh Siama Ngai Sian Luan-te-in The 18th Colombo Plan Consultation Committee meeting, Yangon ah Nov 21-Dec 8,1967 ni dong kikhopna nei in, Dec 7 ni-in Inya Lake Hotel ah culture lahna om aa, Zonik lahkhiat na masapenin ka teeng sak hi. Dec. 9, Sanini-in The Working People’s Daily tadensa ah ki suak sak hi.

Zomi Siamsin Kipawlna file sung ah zong ka design bawl kikemcing hi. Design ka bawl khit ciangin, apuanin siam tawh ka u nu Suan Dim ka gatsak original zong ka kem lai hi. Tua ‘namuna’ sample paipih kawikawi-in siamgante ka lak hi. Deihsakna leh itna tawh, Dr. James Dongno