Zogam Guahtui Dongtuak Huhna kingen thei

Zogam Guahtui Dongtuak Huhna kingen thei

Zomi Innkuan USA kipawlna vaihawmna tawh United States gam sung a om Zomi-te leh Kawl gam ahong vei mihoih pawl khatte in Zogam guahtui hangin cimawh dongtuak a om laizom Zomi-te huhna dingin sum leh paai kikaikhawm a $100,000 valdeuh kingah hi.

Hih huhna sum leh paaite, Zogam Guahtui Dongtuak Huhna (ZOMIUSAID) min tawh abeisa 2015 kum August kha kipan, akisapna leh a hun zui in Zogam ah kihawm toto a, tu ni ciangciang, Huhna Sumtang $60,000 val kihawmkhia zota hi. ZOMIUSAID Huhna Hawmna ciaptehnate hih Thupulakna nung lam ah kisuaksak hi.

Tu in, ZOMIUSAID Huhna hawmna maban kizom ding hi. Zogam guahtui hangin cimawh dongtuak a, huhna akisam lazom Zomi-te sung ah, ZOMIUSAID Huhna a ngen nuam, a ngah nuam, a hawmkhia nuam: khua, kipawlna, pawlpi, palai khatpeuh a om leh, anuai a thu leh late kicing takin hong puak in, huhna kingen thei hi.

Huhna tawh kisai thu leh la kisamte

• Huhna a kisam Khua min leh thunei Hausate min
• Huhna a hawmkhia nuam Kipawlna min leh Makaite/Palai min
• Huhna a kisam Zomi-te thu, innkuan mimal phazah
• Guahtui hang a cihmawhna, dong tuahna leh haksatna thute
• Guahtui hang a kisia inn leh lo, lampi leh lei thute
• Huhna a kisam/lam-etna sumtang phazah
• Huhna hawm zia ding geelna
• Tu tung ah Huhna hawmna pen ZOMIUSAID/Rebuilding Phase-III kici hi.

A tung a thute sung pan in kicing theipen in thu leh la puak ding kisam hi. Huhna a ngen khempeuh leh a kingeh zah khempeuh peello akipiakhia hilo hi.

Tu tung a ZOMIUSAID/Rebuilding Phase-III huhna angen nuam peuhmah in January 18, 2016 (Monday) ni lap-in a nuai lam a kikhum Makaite tung ah kingen thei hi.

Executive Committee
Zomi Innkuan USA

Tang’in:

Pa Go Sawm Khup
General Secretary
[email protected]
+1-918-576-4174

Pa Do Khan Khup
President
[email protected]
+1-347-968-9166