Kikhal Ni! (Social Media) ~ Dimno’ Pa

Kikhal Ni! (Social Media) ~ Dimno’ Pa

Nidang i pate khanlai-in zu, za, zavom, zakang leh muamtheih tuamtuam te bek zongsang in khawlthei nawnlo uh-a, tuhun khangte adingin tuate ban ah adang tampi hong kibehlap lai hi. Tampite lak ah aki zongsang phadiak pen smart phone et, check hi. Text messages, socials media (facebook, viber, twitter, snapchat, instragram, wechat, line, whatsapp..etc) te check in hun awngkal khempeuh phial kibei lawh hi. Hun beilawh zong phadawm lai in teh! A siatlawh tampi thei khin hang!

Tutkhopna ah, omkhawpna ah kamkup mel, kiho mel om nawnlo-in ei phone tek en-in kibuai ngeingai hi. Hih smart phone leh socials media te pen tu khang adingin khamtheih guihtheih tuamtuamte mah bangin hong siasak leh hong haisak ding van khat ding in ka ngaihsun a, i kidop i kikhal kei leh siatna lampi-ah hong tung dingin lamen ing.

Dscout researchers te’n June 2016 in research khat na bawla, Android phone tawi mimal tulza (100,000) valte group (94) in khen a, ni (5) sung, ni khat 24 hours sungmah na en cik uh hi.

Tua mi (100,000) valte sungah a kihelte

• Numei 52%
• Pasal 48%
• Kum (18–24) 15%
• Kum (25-34) 40%
• Kum (35-44) 29%
• Kum (45) + 16%

• African American 14%
• Hispanic 17%
• Caucasian 58%
• Asian 11%
• Other 2%

• Naupang tawh aom 43%
• Zi Or Pasal bek tawh aom 34%
• Single 23%

Nasep (Employment)

• Nasep nei 78%
• Innngak/ Retired 12%
• Sangnaupang 10%

Sumlut (Income)

• Less than $ 50,000 35%
• $50,000 to $ 99,999 34%
• $100,000 or more 2%

Innkuan (Households)

Hih bangin research abawlna panin tamvei akhoih, alawng, a check (Heavy user) te-in average in ni khat (5,427) vei a phone en-khoih-tok in, (225) minutes sungbang ahun bei lawh a, Average user te-in ni khat in (2,617) vei a phone en-khoih-tok in (145) minutes sungbang ahun uh abei lawh lam hong mukhia uh hi.

Hih photo (atung a photo) en le hang, adang App te sangin Facebook App akilim et zawkna mu ding hi hang.

Hih research bawlna-a kihelte-in a phone zatdante amuh kik uh ciangin, ‘hih in ka phone zatdan hong kheltuam ken teh aci (41)% , khiam nuam ing aci (24)% , khiam zoleng hoih in teh, ahi zongin ka zatngei mah in zang ning aci (27)% , limzat sawm zaw lai ning aci (5)% leh bangmah aci lo (4) % pha hi’, ci uh hi.

Nikhat in na phone (2,617) vei lawng niteh, cipah keng. Tamzaw thei, zong tawmzaw theimai ding hi. Ahi zongin thei ding hi hang. Ih omna khempeuh ah i phone tek khoih in nuamtak zong kihopih manlo-in i omteklam pen nisim in i tuah tek hi. Hih phone et et leh i toktokna hangin thonginn sungah paipah in, police te-in hong manpah sam kei in teh. Hai lawh in i neih i lamteng paimang sam kei ni. Ahi zongin hih in i thu ngaihsut zah ding, i lunglut zah dingin hong lunglut saklo-in hong ngaihsun saklo tuam hi.

Zukham bangin hong hangsan sak in, khat leh khat hong kitawng sak gawp samlo hi. Zavum, zakang kisap bangin i pumpi hong uk samlo hi. Khaini, kuanpuang muam bangin i pumpi hong namsia sak samlo hi. Ahi zongin tuate mah tawh kibang in i phone zatdan i siam kei leh hong langthong sak ding hi. Hong haisak kha ngel ding hi. Phone screen etet na hangin i mit mahmah tung zong bang zah in effects aom tam? By, Dimno’ Pa March 19, 2017