Zomi te nuntak nading ~ Lianpu
Zogam pen lo khawh na ,mehgah ,Singkung tuamtuam te ih suan ih ciin hang innkuan khat nuntak theih taktak na ding ki ngah zo mahmah lo hi cih kei muh na hi. Kei bang Tonzang pan khang khai khat ka hih man in Vaimim lei kho, Nailung khawi ,Meh lei bawl Singno suan cihbang sep theih tuam tuam te innkuan in kasep uh hang tua ih sep na tawh nuntak taktak na ding lampi om zo mahmah lo a hih man in khual kizin khai in nuntak zong cih ding ong suak hi.
Kagen nop ah bang hang ih gam ah nuntak na ding lo khawh na pan ki ngah zolo hiam cih pen kangaih sut thu khat hi. Ih Zogam ah nuntakna kilam dan na ding in hih Saffron ki ci, pak te ciing leng ki nungta ding hi cih kei up na hi.
Saffron pen market hoih mahmah ban ah lei tuang ah Sumhau ,Gam thupi te in Zatui ,Cidam na leh Annsia thupi te bek in mehlak a khah ,a sawh aa ki zang a hih man in, a lei ding te deih zah zong ki ngah zo lo a hih man in a market bei pak lo ding cih muh sa hi .
Safrron pak te pen leitung ah 90% bang Iran gam pan kila in Pakistan,India Kashmir ,Mexico gam pan zong tampi mah na ciing uh hi. Hih Saffron pen a ciin na gam te khua hun leitang ph level ih et ciang in Zogam ah zong ki ciing thei Lua ding hi. Zogam a om Unok pak a om namun te ah hih pak te ki ciing thei ding hi .
A cii pen lothangkang cia khawng hi in a bal ki suan in, tua pan a pak kila cih dan hi. Zogam a om Bipak Bawlung pak leh Unok pak te pak hun tawh ki bang in hih Saffron te zong a pak hi. Saffron a pak sung aa om a zikngek thum a om pen kila in,tua pen bek zuak theih ding hi. Pak 150,000 ciang in a zikngek kila te, a keu in 1 kg bang bek ki ngah zo hi .
Saffron 1 kg in ngah na ding Mihing tha bek tawh kisem thei a hih man in nai 370 pan 470 ciang bang hun bei Kul hi.Gam khangto khinsa te ah Nasem te Naitah leh a market a et ciang un mihing tha tambei a hih man in ki tam ciin zolo ong suak hi.
Saffron Ecra1 in suanzawh a Kum masa kum in kg 2 kim ,Kum 4 ciang 4kg pan 6kg ki ngah zo hi. A zuak na ah tu laitak 1kg pen $10000 bang man a hih man in Ecra 1 bekbek ih ciin nak leh $ 20000 bang peuh mah kum 1 in sum lut kinei ding hi .
A nasep pen Numei Naupang Uham in zong baihtak a kisem theih a hih man in inn kuan in nasep hoih mahmah ki nei hinpah in 2020 ciang Zogam pan a gualzo Party ten ih Zogam leh Zomi a ding in hih Saffron a cii leh a market ki cian tak in ongvan sak theih le uh cin Zomi te nuntak na tampi kilam sang zo ding ahih man in lai ong at hing ei. Lungdam Lai ong simsak te tung ah, Tuan Suan lian (Lianpu) Tulsa, Ok ,USA
Comment piaknop aomleh...