Tate pattahzia leh deihbang in agamtatloh ciangin dantatzia atuamtuam omkhading hi. China ah papi khatin atapa kum 12 aphapan khat aguaktang in Motorcycle nungah khautawh khihsa in khuasung ah vakpi kawikawi cihi.
Nungkal Friday ni in China, Yunnan khuasung lampidung ah atapa aguaktang in avakpih kawikawi hi a, amukha te’n Video zaihin Social Media tungah lawnkhiapah ahih manin, leitungbup zelphial in ki thehzak “Viral” pah hi.
Atapa aguaktang in akoih ciangin khuadam mahmahlai sawnsawn ahih manin, lingkeuhkeuh cihi. Tuabek thamlo, apumpi asatna zong anungkhawng ah liamma, avun akekliangkhawng zong kimuthei hi.
Khuasung mipi te’n hih papi in atapa abawlsiat amuhciang in hehmahmah uh a, otsan gawp uhhi. Tuaciang in papipa inzong apuantungsilh suahkhiatsawm in atapa silhsaksawm hi.
Ahi zongin atapa in naphallo in, apa puan asuahkhiatsawm ciangin letsak in, tuaban ah khuasung mipi tezong bangmah gengen nawnkei un ci’n otsan cihi.
Video sungah pasal adangkhat in papipa kiangah hih naupang pen nasungpan in apiang nata taktak “Biological son” mah ahihiam ci’n dongphapah a, papipa inzong kasungpiang tataktak mahhi ci’n genkhia hi.
Video: Boy stripped naked, dragged through streets on motorbike for stealing money
https://www.youtube.com/watch?v=Hzd7q8HTO9s
Atapa sisan naisan luangliang in asatgawp bekthamlo, aguaktang in khuasung ah Motorcycle nungah khau khihsa in avakpih kawikawi pen lamdang kisamahmah hi.
Apa in agenkhiatna ah hih atapa in innpan sum Yuan 100 aguk khitciang in sangzong kahlo in zanthapai khuasung ah vakthapcip ahih manin, tuahangin hihbang in danpiakna anei kahihi ci’n genkhia hi.
Hihvai bekthamlo abeisa inzong apa in atapa pen thumanglo ci’n tamveipi satgawp ngeikhin cihi. Bangbang ahi zongin naupangno khat abawlsiatna hangin hihvai tawh kisai Police te’n hoihtak kankhiading uh kici hi.
Related: China lamzikpi tungah numei khat mawtaw in nihveitak taihkha in si, Video ki khahkhia
Kisatgawp, ki vuakgawp tawh apilding hileh satgawp huai, vuakgawp huai lelmah hi. Ahi zongin natate navuakgawp, nasatgawp tawh akhantawn in pilsuak taktakin na lamen hiam? Sawltak #zomidaily
Comment piaknop aomleh...