Kumcinglo naupangno te zahmawh video ensak pasalkhat kiman

Kumcinglo naupangno te zahmawh video ensak pasalkhat kiman

Indonesia gamsungah pasal khatin naupangno te zahmawh video “Porn Movie” lakzel ahih manin matthuak cih Jakarta Post pan kiza hi. Java Island, Bogor khuasung ah tua pasalpa in naupangno te ahoihlo lamsang ah pattah in Pornographic Videos lamsimzel in lampialsak cihi.

Tuabang in naupangno te ahoihlo in apantahpa pen amin M cihbektawh ki pulakphot a, kum 24 aphakhin khat ahihi.

Porn Video alahzel pen naupangno pen akigawm in mi 6 ahihi. Tua naupauno te zahmawhvai Video hoihlo lakkha ahih manin, tua naupangno tengmahin numeino khat buanhuan, Rape huan uh cimawk hi.

Hihvai tawh kisai in Bogor Police chief Adj. Sr. Comr. Andi Dicky in Monday ni in Press Conference ah gencianna neikhia hi. Naupangno mi 6 tepen khakhat sungah Video aginalo vive lakden in, naupangno tezong adeihbang in Oral Sex khawng bawlsak cihi.

Tua naupangno tepen kum 5 panin kum 12 kkikal hipan uh a, apantahkhialh manin tua naupangno tengin kum 8 aphapan numeikhat zawhthawh thutawh buanhuan sawnsawn uhhi.

Tua ahih manin, tuabang in naupangte ahoihlo apantahpa pen “2014 Law on Child Protection” thukhun ombangin thu kibawlding a, kum 15 sungbang thongsung ah ki koihcip theiding hi ci’n Police thunei te’n genkhia uhhi.

More: Sangnaupang apua School Bus khatleh Lorry kiphukha, mi 4 si, 6 liam

Apattahsa pasalno 6 te’n numeino khat abuanhuan uhpen February 18 ni hi a, tua buan athuak numeino zong tulaitak alungsim aki puahphattheih nadingin Cileungsi khuasung aom Rehabilitation khatah kikoihphot cih kiza hi. Hihbangin naupangno te Video ginalo etsak khawngpen ciamnuih cimphawng in ngaihsun in, mawhna ahilo in atuak miphengtat pawlkhat omtheimawk a, tuate kumpi thunei te tungah zaksak pahpahding ahihi. Sawltak #zomidaily