Yangon – November 20
Billy Graham tapa Fanklin Graham makaihna tawh Myanmar Convention Center (MCC) ah akibawl ‘Love, Joy and Peace’ kici Cialpi ah atawp ni nitakin Yangon Zomi Choir min tawh Zomi 350 tang in Halleluja Chorus tawh Pasian phatna lapi sa ziahziah uh hi, cih kiza hi.
Cialpi masa Nov. 18 ni sanggam Kachinte, ni nih Nov. 19 ni Karen te in lapawl sa uh a, atawpna ni zan thum ni nitakin ahialna Zomite in leitungbup a la minthang pen Halleluija Lapi tawh phatna la va sa uh ahi hi.
Hih Cialpi bawlna ah nitaak sim mipi tul sawmnga val pha den a, atul sawm a sim mipite in Topa’ mai ah ki-apna nei den uh hi.
Sya Chit San Maung makaih Myanmar Young Crusaders (MYC) in music lamsang makaih a, Khristian lasiam minthang Myogyi, Sangpi, Phyu Phyu Kyaw Thein, Sung Tin Par, L. Sai Ze te in phatna la sa uh hi. US panin music minthang amau band ngiat zong hong pai uh a, mipi in tha ngah mahmah uh hi.
Hih bang a vailiante ah Zomite in Zokam tawh phatna la i sak khak zenzen lungdam huai lua hi. A taktakin Zomite pen Halleluija Lapi in hong gawmin hong tawisang hi. Pasian phatna tawh akhangkhawm khang kibanzom Zomite hi den ta hen, ci-in Yangon Zomi papite in gen uh hi.
Photo Credit : Sia Thawngmang, Sia BMuan, Tg Tuan Za Van
Tedim Post’ Page
Comment piaknop aomleh...