Zogam Thaang Mual singkung lopa ganhing te kepsiam huai ~ Zingsol

Zogam Thaang Mual singkung lopa ganhing te kepsiam huai ~ Zingsol

Sep 7: Zogam mun minthang ahi Thuam vum le Thaang mual (Kenedy) mual le akiim a paam teng hoih tak in kepcing ding kisam mahmah hi cih thu “Green Kennedy Group” pan in Secretary, Pa Thang Suan Mung in ZINGSOL hong gen hi.

Abeisa kum a piang Zogam mencip tuahsiatna lianpi pan in etkak kik ciangin hih a hang tampi lak ah Thang Mual kiim aa singkunglopa te a siatna tawh kizom hi ci hi.

Abeisa hun lai te ah Sen te in sungkung, gampak te, leisung singgahte cih bang lei theih khempeuh hong lei uh in, tawi khat tul nih tul thum bek hong pia uh hi.

Ei lawptak in kizong kizuak ziahziah hi. Kum tawm no sungin gampak te hong bei ciang tawi khat tul sawm nga tein khat bang in hong lei lai uh hi.

Vansial le Pengpeleek cih bang te zong Japan te hong lei ngei uh hi. Nitha man bek hong kipia hi a, a van man a hong kipia lo ahih lan ka nung phawk hi.

Minam limlak Ngeisok paak zong a kiphuk lohna ding GKG pan in nasiatak in na hanciam ung. Kum nih khit ciang Kumpi thunei lam Ministry of Forest pan in zong hong kham sak bek tham lo, a kung thak bang hong suan pih uh hi ci hi.

Thaang mual pen Tedim khuapi ii tuinakpi Sialtang tui pen hih pan a hongpai hi a, Kawlzaang a buh lo te zong Thangmual pan a hong luang khia luitui te pan tui ngahna hi a, hih mual le a kiim a pam a om singkung lopa te, ganhing tuamtuam te hoih tak in kepsiamna pen Zogam le Zomi te nuntakna tung ah thupha thusia tampi hong piang sak thei ding ahi hi. Zingsol