Lupnasung hahsiangding kisawlna hangbektawh US tangvalno khatin api kaplum
US gamsung ah tangvalno khatpen api in nalupna Bedroom sungteng hahsiangin ci’n asawl manin hehmahmah a, api pen thautawh kaplum ciliang hi. Hih thupiang pen US, Arizona State sungah nung Saturday ni in thupiang ahihi.
Tua tangvalno pen kum 11 bekbek hipan a, lupnasung hahsiangding kisawlnahang bekbek tawh apipen akaplum ahihi.
Api akaplup khitciangin amahzong amahle amah thautawh kikaplum sawnsawn hi.
Tuatawh kaplup athuak api pen kum 65 aphakhin Yvonne Woodard kici a, Northwest Phoenix, Litchfield Park aom amau innsung tektek ah thupiang ahihi.
Api pen apu tawh innsung ah Television enkhawm in, atut hithiat laitak in anunglam panin thautawh akaplup hi ci’n AFP te’n genkhia uhhi.
Tua api leh apu tepen tangvalno keptheih nadingin Full Custody phalna angah uh hi a, api in alupna inndeisung siansuah dingin sunthapai asawl hi in, ahi zongin api thugen, api nasepsawl pen mangnuam mahmahlo hi ci’n apu in Police te tungah genkhia hi.
Hihvai tawh kisai in kumpi thunei ahi Maricopa County Sheriff’s Office spokesman Sergeant Joaquin Enriquez inzong agenkhiatna ah api leh apu tepen innsung Couch tutphahsau tungah TV enkhawm in atutkhop laitak in anunglam panin atupa in akaplup hi ci’n kiciantak in Media te tungah genkhia hi.
A tupa in api akap khitphet in apu inzong delhphei masa hi, ahi zongin delhsuaklo in thaukapna tawh atuksuk ahi azi pen lunghimawhzaw in azi akemding in kilehkik hi. Tuakal in atupa pen amah leh amah thautawh naki kaplum hi ci’n thunei te’n genkhia uhhi. Police te genkhiatna ah tua aki kaplupna thaupen apu ii neihsa ci uhhi.
More: Malaysia ah zudawnkhawm lawmta nih thautawh kikaplum
US gamsung ah thautawh buaina pen ahunhun in kizathei zelzel a, lipkhap dipkuat huaithei mahmah hi. Nungdiak mahmah inzong US, California aom zuzuakna Bar khatah thau kikapna buaina piangin mi 12 takin sihlawhziau uhhi. Sawltak #zomidaily
Comment piaknop aomleh...