Baghdad ah Car Bomb kitam, mi 12 si, 37 liam

Baghdad ah Car Bomb kitam, mi 12 si, 37 liam

Iraq gam ii khuapi ahi Baghdad ah Tuesday ni zingsanglam in Car Bomb puakkham a, mi 12 si cih Iraq Police te’n genkhia uhhi. Asi hizah banah aliamzong mi 37 val phading ci uh a, apuakkhamna munpen vankizuakna Outdoor Market cihi.

Palik te genkhiatna ah hih apuakkham mawtaw pen mawtaw khawlna ah akikoih hi a, asungah apuakkhamthei thau te adim in kikoih a, tuapan in apuakkham hiding ci uhhi. Zingsang mehteh mehgah kizuakna mun ah apuakkham hi a, tuciangciang hihvai tawh kisai ko gamtatna hi aci omnailo hi.

July 03 ni Central District ah Bomb puakkham in mi 300 val asihkhitzawh Baghdad khuasung ah ki patau mahmah hi.

Hihmun ah Monday ni in US Defense Secretary Ash Carter zong vahawh a, asawtlo in Washington in galkap mi 560 hongpuakbeh ding a, Iraq gamsung aom ISIL te lehdokhawmding cih genkhia hi.

Iraqi Prime Minister Haider al-Abadi zong Karada Attack khitzawh agamsung daihna aomtheih nading in hanciam mahmah a, Security Operations makaipipa leh asang Senior Officials pawlkhatzong nasep khawlsak cih kiza hi.

Security Experts te genna ah Baghdad khuasung teng ah Bomb ki tapbeh theilaiding uhhi cisawnsawn hi. ZD Sawltak #zomidaily