ZAM Thupuak
ZAM :: Zomi Association of Malaysia
Mihing tawh sumbawlte tungpan mi 17 honkhia
Malaysia, George Town, Palik uliante in a beisa a thupiang tualthahna thu akan laitak un upmawhlohpi in Kulim Kedah a kicihna mun ah Kawlgam pan leilam zui a hong kipuak Kawlgammi 17 lamkaalah man uh hi. Thukanpipa Datuk Mazlan Kesah in a genna ah “UNHCR Card tawi khat Jalan Ara Kuda, Bukit Mertajam ah a kithahna thu kan dingin ka pawl teng tawh ka paina vuah hih mi 17 te ka mu uh a, amau acing Kawlgammi nih leh Bangladesh te khat na om uh hi. Avek un kamat khit uh ciangin a thudam a kan theih dingin Kulim palik zumah mi 17 te ka puak uh a, acingh mi 3 te palikte khutsungah ka aap uh hi” ci hi.
Tukal Tuesday ni-in Construction nasemte khat in Kawlgammi UNHCR Card tawi Abul Kassim Abdul Shukur (40) akici khat pen a sisa in Jalan Ara Kuda ah mu hi. Hih sihna ah kihel dinga upmawh papi kum 33 a pha khin khat a kimatna hangin a dang thute zong a kitheih beh toto ahihi. SAC Mazlan in a genna ah “Abul Kassim pen a sihma ni in pasal 5 in ama omna inn pan mundang zuan in a paikhiatpih lai uh kimu hi.
Tua mi li te pen Sungai Acheh leh Bukit Tengah ah kiman khin uh a, amau tungtawn in Abul Kassim sihna thu a kicianzaw in a kansaan laitak uh ahihi. Hih sihna tawh upmawhmi kimat beh lai ding a, tua banah mihing tawh sumbawl nasep (Human Trafficking) asem mite thu zong lim takin kikan pha mahmah ding hi” ci hi. Source : Asia One Singapore Press Holding Portal
Malaysia a om Zomi te hi bang lauhuaina tawh ih kipelh nading thungen in kidawm ciat ni.
United States Ngeina le Dan Thusinna Khutzat Laibu : ZOMI
Khenpi Ngana (Azom)
Kipawlkhopna tuamtuamte pan huhna
Hih huhnate pen mun khempeuh ah a omloh hangin kipawlkhopna pawl khatte-ah mipi nuamtuamna ding anuai a bangin huhnate kimu thei hi. Kipawlkhopna atam zaw-ah kingah thei hi. Naupangte’ ading amau sinnop bangbang sin theihna card pen a mawkna/sum tawmno tawh kawm theih banah internet zong zang thei lai hi. Sangkah hun nailo naupangte kepna leh lai hilhna vai ah lungsim hat leh hatlo naupang tampi gawm khawmin a tuamtuam sinsaknate leh cidamna leh sum ngahna tawm innkuante ading bek thamlo in nu leh pate nangawn kihelkhawm thei hi. Hih huhna ah a masasa in kila ding hi.
Adang khangno nasepnate ah laisim hun aman uh ciangin Mikang pau sinna leh mun khatkhat ah innlaite zong huhin kisimpih thei hi.
Kimawl nang leh tawlngak nadingin mi tamzat theih paakhuante zong om ding hi.
Christian biakinn leh kikhopna mun tuamtuamte pan nek leh dawn, silh le ten, Mikang lai sinnate zong kingah thei hi.
Khat leh khat kihuhna kipawlkhopna (MAAS) i cih pen i tunna mun ah a om khinsa gentheite leh gamdang pan a hong pem gentheite kipawlkhopna ahi hi. Hih kipawlna pawlkhatte pan cidamna, neek leh dawn, atuamtuamte a kingah theih hangin mun khempeuh ah om khinlo hi.
Kipawlna kim ah palik, meikangphelh leh vaikin huhnate kingah thei hi. Akizang thukhunte a kip tawntung nang leh gammite peuh tawh na om loin lungnuam tak a om theih nading pen palik uliante nasep hiin a ngeina ahi lo vai khat peuhpeuh ah zong huhna hong pia thei hi. Meikang tawh kisai a kikin deih kisapna khatpeuh pen meikang phelhte’ sep ding hi-in zatui/zaha leh cidamna lam tawh kisai huhna piak ding pen cidamna lamte’n hong kaikhawm ding uh ahi hi.
Palik zum, meiphelh leh cidamna lam tawh kisai deihkinna i neih leh 911 tawh nai 24 sung kisam thei hi. A kisam taktak emergency/thukin thu leh vaite bek 911 pen sap ding hi-in a dang vai mawkmawk te ading phone numbat atuam kingah thei hi.
A kinin deih/phone numbat 911 i sap nop leh Mikang pau tawh gen kul ahih manin kisinkholh sa a om ding kisam hi. Atawm penin i sap ding mun kiciantak a i sap theih ding kiging kholhsa a om kulin palik (police) meiphelh mawtaw,
cina pua mataw (ambulance) a kin a zatui/zaha tawh kibawlna a ngah nading cihte kisam ding hi. Na omna mun/address kim takin piakkul ahih manin gentel theih sitset ding pen thupi mahmah hi. A zenzenin na omna mun Mikang pau tawh na gen theih keileh, ‘No English,’ ‘Help’ ahih keileh kikin deih, ‘emergency’ ci-in tomcing taka na gen khit ciang na phone len suak ding hiteh, innphone nazat leh na phone hong sangte’n na omna mun baih takin hong thei lel ding uh hi. Kikindeih asapna i cih pen a tamzaw lauhuaina tam ahih manin bawlpah/seppah a kul, thakhat thu (ahih kei leh)upmawhlohpi a piang thei patauhna khat peuhpeuh leh liamna baina a piangthei vaite a kigenna ahi hi.
Anuai a hong kilak limtak sim inla a kikindeih 911 sap kul maw, kullo cih nang leh nang in khensat in.
Ciapteh ding:
⦁ America gam sungah koi mun koi mun pan phone 911 sapman a mawkna hi.
⦁ Thukician omlo pi-in (vaithupi omlo in) 911 na mawk sap leh hong kigaamh dinghi.
⦁ A kisap taktak ciangin 911 sap ding lauhuailo hi.
Mimal Huhna
Mikang laisinna, pau letna, kamphen, IC gammi hihna ding tawh kisai huhna ngetna leh thu kikuppihna atuamtuam kingah theih hangin sum tampi piakkul hi.
Zopzop lai ding…
New Life 4 U Ministry”N4M”te makaihna tawh
1. Kha khat in ni khat Zomi te tungah kha khanlawhna lianpi ong tunna dingin Zomi bup antan thunget khopna ZAM zumpi ah kinei den ding ahih manin Zomi a it, khamangthang avei khempeuh ongzawn ung. Kha khat i nipi kaal masa kiginni (Saturday) ta hiding hi. February kha thunget ni ding pen 07/02/2015, 11am – 3pm hiding hi.
2. Special Camp kibawl ding
Speaker : Rev. Kham Suan Go
(Mualhoih Gospel Ministry)
Camp Director : Sia Kamtawng(N4M)
Date : February 23-28, 2015
Camp lutding mi 30 bek kisang ding a 31/01/2015 ni dong kisang ding hi. Camp lut ding nadeih sak sanggam leh khuapih te ahun lapin sazian nong puakna dingun N4M pan kong zawn uhhi. Khasiangtho in ong makaih a kha khanlawhna lianpi ong tunna ding gupngah mi ong ki behlap na ding thu ong ngetpih ciat un.
Sia Kamtawng 017 361 0125
Nausuak Nu leh Pa te in theih huai
UN card nei leh neilo ki sailo in nausuah khitphet teh kumpi matpongten zum JPN ah nausuak lai lak loh a phamawh a hihi. Nu leh pa in UN card a neihkhit hangin tua JPN pan nausuak lai a om kei leh naungek in UN card ngah theilo ding hi. Tua nausuak lai bektawh UN ah nau a ki lutpih ahihi.bangmah in ZAM card bek a tawi Nu leh Pa te in nausuah ciangin nausuak lai lakna ding maibingin lau uh ahih manin hi ci omcip Nu leh Pa omthei uhhi. Nausuah zawh ni 42 acin khit leh nausuak lai lak dingvai sah mahmah ta ahih manin tuabang nausauk ding Nu leh Pa khempeuh in ZAM zumpi ah nong zaksak ding uh deihsakna tawh kong zasak uhhi.
Kidawm ciat ni!
Tusung teng Malaysia mun khempeuh phialah lamkhak (roadblock) leh operasi omden pian hi. Zomi te ih hawhna ih ciahna ah kidawm in pilvaang ciat ni. Zomi peuhmah a kisam lua ahih kei naak leh vaak loh theih kisin ni.
Tukal Palaai te buaipih diak teng
⦁ Pa Dal Lian Sing (Kapteel) tanu, Lia Man Hau Cing ading JPN ah nausuak lai ki lakpih.
⦁ Man Zuan Nem (Suangzang) leh Go Sian Khai (Luangel) te pen Shah Alam lockup ah a ki buaipih laitak.
⦁ Dal Lian Sing “Kapteel” tanu, Lia Man Hau Cing ading JPN ah nausuak lai ki lakpih.
⦁ Do Gin Khual (Muallum), Pa Khai Suan Langh (Muallum), Pa Thang Khan Zam, (Muallum), Pa Zam Kim Sing (Tuivial) te GHKL ah ki buaipih.
⦁ Gin Muan Pau (Suangzang) Bukit Jalil Camp pan innlam ciah ding ki buaipih laitak.
⦁ Kham Khen Tung (Khampat),Sawm Lam (Kapteel) leh Tual Khup (Kapteel)Camp ah azum vai uh ki buaipih.
⦁ John Gin Sawm Tung (Laaitui) a omna mun a kikan saan laitak.
⦁ Lian Vuum (Laitui), Kham Lian Mung (Khampat), Paul Pau (Vangteh), Vung Khan Khen (Zozaang) teng 5 January ni-in HUKM ah ki buaipih.
⦁ Kai Sian Mung (Vangteh) Lion Eyes Center, Ampang ah ki buaipih.
⦁ Kham Lian Mung (Khampat), Paul Pau (Vangteh) HUKM leh ACTS ah ki buaipih.
⦁ Ning Ngaih Zen (Ngente) 8 January ni-in HKL ah ki buaipih.
⦁ Thang Za Tuang (Vangteh) 8 January 2015 NGO ah huhna ki ngetsak.
⦁ Paul Pau (Vangteh) HUKM leh ACTS ah ki buaipih in IAD ah ki paipih.
⦁ Kham Lian Mung (Khampat) 8 January ni-in UKM
ah ki buaipih.
⦁ Tukal sung laigelhsakna UN registration ah 13, RST ah 7, RSC ah 7, Innkuan lutpih ding 7, BID ah 2 cih bangin ki gelh sak hi.
Theihhuai thu
⦁ Vanleng tung natuan madong ahih kei leh na paina ding gam natun madong na phone nambat mipia kei in.
⦁ Zum panin na phone missed call aom leh hong sapna nambat mah samkik pahin la nangah kei a leh azing athai ah sam kik hamtang ing.
⦁ Na vai bang ciang tung na theihnop a leh www.casi.rescue.org ah ki enthei a, na ID pen na MY nambat hipah ding a, na password pen amau hongpia ding uh hi. Password a ngah nailo te kingen thei hi. Ahih hang na tangthu omlo ding hi.
⦁ [email protected] ah dotnop/dawpnop na neih leh lai kikhak thei hi.
Zaksakna
Mun Do Lianpen tulaitak in Dangwangi lockup ah om hi. A thei kha leh a meltheih tanau naihuai na om uleh Sia Tuangpu: 016 2544 093 na ho un.
UN in ZAM veng makaite pahtawina hong piaksak
Nungkum 2014 November 17, 24 ni-in CDU panin KIZOPNA tawh kisai veng makai thusinna hong piaksak teng January 14, 2015 ni-in UNHCR panin alianpenpa Richard Towle khuttung ngiat panin pahtawina laidal hong piaksak uh hi.
Na tangthu hoihtak ciamteh suak in
Na UN tangthu pen gam thumna na lentheih ciang bek kimang ding hilo a, gam thumna ah na tunkhit teh na zumvai khempeuh ah hong kidong toto lai ding hi. Green Card leh Citizen na siauhna ah tua na tangthu mah hong ki dong toto lai ding ahih manin hoihtak ciapteh suak in. Mangngilh sawm kei in. File ah hoih takin kemcip in.
Motor hawlna (Driving License) bawl nuamte kizopna ding 012 367 4665
Theihding: Tualpi a pai kimawl te hita leh a ente hihta leh akua mahpeuhin tui, avot, nektheih tuam nekding a neite in na nekkhit, na dawnkhit ciangin ninbung sungah na paihsak pahpah un. Na nekna, na dawnna ciang nangawn nin bung sungah napaih zawh kei ding a leh neksawm, dawnsawm kei zawin nin kitawm kei leh tampi kiliau kha hi. Kimawl ente mukpau, kampau thapiak dan siam ciat ni.
Hehpihna tawh hong zonpih un
Saizang khuami Kawlpi a teng Tg. Thang Sian Lian pen 6 June 2014 in Malaysia hong tung hi. Hong tunni bek kiho thei a, hong tunni a zingciang akipan tuni ciang dong kiho thei nawn lo hi. A omna zong ki theilo hi. Amukha leh a omna athei kha na om uh leh hehpihna tawh ZAM zum ahih kei leh hih phone nambat tawh 011 3335 6049(Thang Deih Gin) tungah hong zasak un.
Rev. Dr. GK Nang te nupa hong hawh
India pan hongzin Rev. Dr. GK Nang te nupa in ZAM zumpi ah January 15 ni sunin hong hawhin thapiakna leh thunget sakna hong neih sak ahih manin amau nupa tungah ki lungdam mahmah hi.
ZAM card tawite ading nasep
⦁ KL sung beer sai ah sun nai 11am pan 11pm ciang lasa thei numei 2 ki nawhdeih. Khasum RM1,000, Omna leh anpia. Commission pia.
⦁ Klang setzung (factory) ah nasem ding pasal citak 5 kideih. Khasum RM1,200 tawh kipan ding OT om. Omna pia, an pialo.
⦁ Kajang workshop a sem ding pasal khat ki deih. Khasum RM1,000 sunan pia, omna pia. Nasep hun 9:30-7:30.
⦁ Sungai Besi ansai a sem ding mi numei or pasal 2 ki deih. Khasum RM900. An leh omna pia. Nasep hun 6am-4pm.
⦁ Banting setzung (factory) a sem ding pasal 2 ki deih. Khasum RM900. OT omden. Omna pia an pialo. Nasep hun 8am-5pm.
Lungdamkohna
⦁ Rev. Dr. GK Nang te nupa in tukal Thupuak bawlna ding RM50 hong piakhia ahih manin ki lungdam mahmah hi.
⦁ Teeklui Innkuan Malaysia kum 10 cinna lung-damkohna in Thupuak ading RM100 hong piakhia ahih manin ki lungdam mahmah hi.
⦁ Gin Tul Tuang (Laaitui) in tukal Thupuak bawlna ding RM50 hong piakhia ahih manin ki lungdam mahmah hi.
⦁ Gamsung gampua leitung muntuamtuam pan ZAM nasepna te tha napiak nopleh lungdamtak in hongkisang ding hi.
ZAM Hall ki kawmthei
ZAM Hall pen Session khat (nai 4 sung) RM200 ki lading a, nai 4 khitciang azatbehtoh nopleh naikhat RM50 ki lading hi. Aki zangthei vanteng: Air con, Tutphah 150, Sound System, Drum Set 1, Wired Mic 2, Wireless Mic 2, Usher Counter leh adang tuamtuam…
Note: Guihtheih khamtheih zat ki phallo hi.
Aki cianzaw in PDF file tawhzong na simsak unmaw.
Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email: [email protected]
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website 
tungpan kongsuaksak zelzel uhhi.
Note :: PDF tawh na simnop leh
Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Comment piaknop aomleh...