Kuala Lumpur khuapisung aom ansai khatah zusa akileh zakzaklaitak Video kikhahkhia
Malaysia, Kuala Lumpur khuapisung aom ansai Restaurant khatah zusa avak ziahziah laitak Video kizaihkha citciat leuleu in, tua Video Clip pen Social Media tungah ki thehzak leuleu hi. Video sungah zusa pen khatbekzong hilo in, zusa tampi khatkhitkhat hong pusuakkhia ziahziah uhhi.
Hih Restaurant zong siangtholo, zusa utbangin gamta ziahziahmawk ahih manin DBKL (Kuala Lumpur City Hall) te’n thusitna Investigation kipanding uh cih kiza hi.
Hih Video akizaihna Restaurant pen Brickfields vengsung aom ansai khat hiding kici hi. Ansai ah anne in apai Customer khatin an anek laitak in zusa avakziahziah mukha ahih manin, Video Record bawlpah in, tua Video Clip pen StarMetro te tungah khaksawnpah cihi.
Ahi zongin pawlkhatte’n hih Video Clip pen Taman Tun Dr Ismail vengsung aom Restaurant khatah thupiang hi ci’n StarMetro te tungah zasak uhhi.
Hihvai tawh kisai in City Hall’s health department panin thuneikhat in agenkhiatna ah hihvai pen DBKL te’n hoihtak kankhiading uh a, Restaurant pen amun, amin hoihtak akician in akitheihkhiat ciangin thu kibawlding hi ci’n genkhia hi.
Video: Kuala Lumpur City Hall (DBKL) will start an investigation into a restaurant in the city after a video surfaced on social media showing big rats having the run of the kitchen. A customer, who is believed to have dined at the restaurant, took the video and tipped off StarMetro, saying that it happened in Brickfields.
Video Clip pen hoihtak in ki enciankik dinga, tuakhit ciangin hih zusa te gamtatna in akigen Restaurant 2 tepen hoihtak kisitcian dinghi. Ahi zongin tuciangciang hivaitawh kisai in DBKL Health and Environment Department te tungah Complaints bangmah hongkibawl nailo hi ci’n genkhia hi.
Video Clip pen sauhetlo, Second 41 bekbek hi a, ahi zongin Video sungah zusa te khatkhitkhat hong pusuakkhia ziahziah uh a, anhuanna Ingredients in akizang te akikoihna Bucket tungah taizakzak uhhi.
More: Pasal khat anne in atutlaitak abombi sungah zusa khat lutto
Malaysia, Klang Valley sungah tusungteng Restaurant asiangtholo, Hygiene aomlo te hongki pholakkhiat laitak hileh kilawm hi. Nungdiak mahmah in Bangsar vengsung aom Raj’s Banana Leaf Restaurant ah kuangsawp nasemte’n lampitung ah akicing tui apuangkheukhau tawh kuang asawplaitak Video ki khahkhia hi. Tua Video Clip hangin Raj’s Banana Leaf Restaurant pen DBKL te’n khakcip sakphot uhhi.
Tu’n Raj’s Banana Leaf Restaurant te sangin asukzaw, pumpi cidamna asukhathei zusa te gamtatna pen kihhuaizaw semsem hi. Sawltak #zomidaily
Comment piaknop aomleh...