A (67) Kumcin Zomi Nam Ni Malaysia ah bawlna ding thu
Leitung mun tuamtuam a om Zomi te Zomi Nam Ni ding tawh ki buai ciat mah bangin Malaysia a om Zomi te zong Zomi Nam Ni ding vai tawh buaito mahmah ta hi. Tu kum Malaysia Zomi Nam Ni pen ni 3 sung sitset kibawl ding hi. February 19-21 sung nasia takin kibawl ding hi. Tukum pen Sen Kumthak tawh kituak ahih manin mipi 6,000 bangin Zomi Nam Ni sim dingin lametna ki nei hi.
Hun zatzia ding
February 19, 2015 (Pansik Ni) in Chinwoo Stadium ah ngeina la, minam lam nam tuamtuam leh zinmangpi te thugenna thupi takin bawlna ki nei ding ahi hi.
February 20, 2015 (Api Ni) leh February 21, 2015 (Khekleh Ni) in Zomi Nam Ni Seminar nasia takin ki bawl ding hi. Hih Zomi Nam Ni Seminary sungin kawlgam pan GZA makai te, ZYA makai te leh Zomi Innkuan Singapore te’n nasia takin thugenna hong nei ding uh hi.
An le tui zuakzia ding
Zomi Nam Ni sim mimal 6,000 val kipha ding ki lamen ahih manin ansai khat bekin dawlzo nawnlo ding ahih manin ansai atawm pen thum ciang kihong khia ding a mehliim nono, anliim nono, tui lim nono ki zuak ding a zu leh khamtheih guihtheih zuak ki phal vetlo ding hi.
Zomi Nam Ni Laigelh kidemna om ding
Zomi Nam Ni laigelh kidemna om ding a, akhatna ngahte pahtawina kipia ding hi.
Zomi Nam Ni mapan khopna
Zomi Nam Ni pen Zomi bup tawh kipawl kum khat khatvei akinei bek ahih manin ei siamna tek tawh manpan khop dingin geelna ki nei hi. Gentehna Music tumsiam te, lasa siamte, thungai siam hihna te, ngeina lam, ngeina lasa te dongah akicial tuam om hetlo in Zomi bup numei le pasal in ih siamna tektek tawh kipawl khopna in Zomi Nam Ni bawl ding.
An khamval mawk paih loh ding thu
Abeisa hunin Zomi Nam Ni leh Khuado hunah an khamval te mipi hita leh ansai te’n hita leh an zuakna nungah buaziau thei ahih manin hall neiten deihlo ahih manin an khamval leh niin peuhmah ansai anzuak na kiimah mawk paihloh ding kikham khol hi.
Atuamtuam
Zinmangpi dingte, Music tum dingte, lasa dingte, alam dingte, thugen dingte ahunhun in zaksak kikna hong ki nei ding hi.
Anunung pen
Anunung pen Zomi Nam Ni mapan khopna sum leh paai pen February 15 ni ma in piaksawmte hih sawm hamthang ni. Zomi Nam Ni Committee 2015
Tune Insurance Malaysia Berhad
Malaysia gam sung a om UNHCR-IAD in a beisa kum 7 sung bangin sumbulpi nei nawnlo ahih manin Insurance na lei hamtang un ci-in hong vaikha uh hi. UN ngahsa Zomi khempeuh in lei hamtang sawm ciat ni. Hih REMEDIHealth Insurancepen Malaysia gam sunga om Refugee leh Asylum-seeker te zat theih dinga UNHCR leh TUNE te pangkhawm a kibawl ahi hi.
TUNE Insurance leite phattuamna ngah theihte
1.Zatopi sungah Room sapna/om man ni 25 acin dong aman hong piaksak,
2.Cina gimte kituam kepna (Intensive care Unit) ah om man ni 12 acin dong piak sak,
3. Zatopi sunga vanzat teng leh Service man khempeuh hong sik sak,
4.Ki-atna sunga lutman,
5.Ki-atna sumbei teng,
6.Nat khaamna zatui bei man teng,
7.Zato lup laitak Siavuan te’n nisim avil man (ni 25 acin dong),
8.Zato lup laitak Specialist te thudotna man bei teng (ni 27 acin dong),
9. Zato mawtaw zatna sum bei teng.
Theihding thu: Atunga 1-9 dong pen mimal ahih leh RM10,000 ciang siksak ding a, innkuan (mimal behlap omlo) ahih leh RM12,000 ciang siksak ding hi. Zato lupman pen Third Class tawh hidinga, zankhat giahman RM60 sang tamzawlo ding cihna hi.
Kumsim lutman
1.Kum 18 tungsiah mimal lutman RM120.
2.Innkuan ahih leh member 5 ciang bek hi dinghi, nulehpa sim loh tate pen kum 18 nuai hi limlim ding.
3.Innkuan 5 khit banah kum 18 nuailam behlap nop a neih uleh mimal khat ciangin RM20 ta piakkul ding hi.
Special Condition
1.Ni 15 pan kum 64 kikal teng hih Tune Insurance ah lut thei uh hi. Kum 70 aphak dong kumsim renew kul hi.
2.Insurance lei ni a kipan ni 60 sung na Insurance pen nungta nailo dinga, ahi zongin natna tuamvilvel na tuak khak zenzen leh hong ki panpih veve ding hi.
3.Zato inndei a tam mante nasap leh Company in 20% bek hong siksak ding hi.
4.Sum beizah Company panin lakkik ding na neih leh ni 30 sung ngetna lai Company ah na piak hamtang kul a, ni 30 aval khit leh Company in na ngetna lai hong nawlkhin sak thei hi.
TUNE Insurance in ahuam khakloh teng
1.Vun laih man, zang muuk at man, mit vel man, mit limlangh leina sumbei teng Company in siklo hi.
2.Ha bawlna sumbei zong siklo hi.
3.Mimal a zato siamah tuam zatna man a kilawh theih natna (AIDS) hanga hun sawtpi kep tuam a kulte kepna man sum bei teng zong siksaklo hi.
4.Khamtheih zatui zangte, zukhamte, leh natna lungno dalna dinga zatui kisut man bei teng zong siklo hi.
5.Khankhiat pih natna/mibat zawh lohna hanga zato ah at kulte sumbei zah zong siklo hi.
6.Nausia, nupi naupaai, naupaai at loh a suakzo lote, nau kiatsakna, leh pasal numei tawh om khop theih lohna hanga zatui zaha tawh kepna sumbei teng zong siklo hi.
7.Lung hihmawh man a zato ah kivel sakna (Zato lup kullo), X-ray bawlna sum beite siksaklo hi.
8.Amah leh amah kithatte, apil a hai hitaleh ama pumpi a bawlsia a sih ding a sawmte zong hih Insurance in huamlo hi.
9.Gal kidona munah a liamte, khuasung buaina sungah kihel a liamte, kumpi tungah lungkimlohna lahna hanga liam thuakte atuamtuam kikep man zong siklo hi.
10.Huih siangtholo diik khakna, nuclear guu thuaklah a cina te kepna sumbei zong siklo hi.
11.Na pumpi sunga om na khat peuhpeuh cinate tungah piak sawn na sawm leh na kikepna sumbei teng hih Insurance na lei zenzen hangin hong kisiklo ding hi.
12.Ihmut theih lohna hanga kiveelsakna sumbei teng leh, a uang lua a naksiatna hanga zato tunna sumbei teng zong siklo hi.
13.Zato na lupna khan sungah zatui zaha sim loh adang TV, Phone, radio etc…hanga sumbei teng hong siksaklo ding hi.
14.A lauhuai leh a haivai kimawlna sungah na kihelna hangin natna liamna bang lo khat na tuah leh na kikepna sumbei teng hong sik lo ding hi.
15.Vanleng sap zong mi tangpi zat ngeite a hih leh bek hong sik dinga, Private flying tawh kisai sumbei company in hong piaksaklo ding hi.
16.Lungsim paikhial theite,hun a nei theite kepna sumbei zong siklo hi.
17.Zahmawh khekna sumbei zong siklo hi.
UNHCR-Personal Accident Insurance Scheme
(Hih aa dingin RM 11.50 bek piakkul hi)
Kamsiatna tawh deihloh pen natuah khak zenzen leh anuai a bangin hong kihuh ding hi.
1. Sihna na tuak leh RM23,000.
2. Khantawn a mi bang zo nawn lo ding na hih leh RM23,000.
3. Kum khat sung zatui zaha tawh kikepna ding RM2,000 ciang.
4. Na innkuanpihte ngah ding,000.
Anuai a ih pulakteng hih Insurance in huamlo hi
⦁ Zukham ankham, khamteih guihtheih tawh a kidiahte.
⦁ Mi khutlum tawh sihna.
⦁ Mi khat ii hehna khutlum laithuak khakna.
⦁ Gal kidona/Khualum lelh mana natna/huih nin diik khakna/ama pumpi amah mah in bawlsia/amah leh amah kithat.
⦁ Naupai/nausuahna
⦁ Kimawlna (sport) munah kamsiatna
⦁ Vantunglam ah tatkhialhna
⦁ Tuisung nasepna hanga naaklahna
⦁ License kician neilopi a Motorcycle tai kidemna ah na kihel a na tuahsiat leh.
Lamet lohpi in nanau a tolh leh MYR120 pia pah lecin hong kivanto suak ding hi.
Tune Insurance Malaysia Berhad
Level 8 Wisma Tune
No. 19 Lorong Dungun
Damansara Heights
50490 Kuala Lumpur
Tel : 03-2087 9000
Fax : 03-2094 1366
Tukal Palaai te buaipih diak teng
⦁ Gin Do Kham (Lailo) Seremban Hospital ah 26 January -in ki buaipih.
⦁ Siampi (Kapteel) ACTS ah 26 January ni-in ki buaipih.
⦁ Cing Khan Nem (Taakkhawl) GHKL zatopi ah ki buaipih.
⦁ Kim Vung (Tungzang) HKL zato ah 22 January ni-in ki buaipih.
⦁ Niang Ngaih Nem Klang zatopi ah ki buaipih.
⦁ Man Sial Mang Ampang zatopi ah ki buaipih.
⦁ Langh That Lian Putra Jaya Immigration ah ki buaipih.
⦁ Hau Suan Mung (Anlangh) Pekan Ajil ah ki buaipih.
⦁ Gin Muan Pau (Suangzang) Bukit Jalil Camp ah ki buaipih.
⦁ Lian Khan Cin (Nguasing) Jinzang Lockup ah 16 January ni-in ki buaipih.
⦁ Vai Khai Cing (Tuithang) Petaling Yaya ah 10 January ni-in ki buaipih.
⦁ Lian Sia Siam pen Bukit Jalil ah om in ameltheih a thei na om uleh hong zasak kik un.
⦁ Lian Sian Muang (Laaitui), Dangwangi Lockup pan in 16 January ni-in palaaite buaipihna tawh hong suakta thei.
⦁ Habakuk Kimpu (Tuithang), Dangwangi Lockup ah 25 January ni-in ki buaipih.
⦁ Vung Sian Huai (Vangteh), Dangwangi Lockup ah 22 January ni-in ki buaipih.
⦁ Thang Khan Kap (Zozaang), Klang Lama ah Operasi tawh ki manin ki buaipih.
N4U Ministry pan zaaksakna
Zomi bup antan thungetna ZAM Hall ah 7/2/2015 (Saturday) ni-in kibawl ding a,11am pan 3pm dong hi ding hi. Sia Kamtawng 017 361 0125).
Zomi ansai thak New Eden kihongta
Mydin mai thaat khatna ah 1 February 2015 Sunday ni pan kipan kihong paisuak ding hi. Ansai hon hun 9am-9pm. Tha hongpia ciat un.
No.39, Jalan Tun Tan Siew Sin,
50050, Kuala Lumpur
Nialpi 014 734 0661
Hehpihna tawh hong kanpih un
Phaileng khuami Nang Sian Mung (ZAM-16478) Pa Suan Khua Pau leh Nu En Ngaih Man tetapa a omna kithei lo ahih manin amah amu leh athei ten hehpihna tawh ZAM zumpi ahih kei leh 016 616 1542/018 260 8271 ah hong zasak un.
RSC leh DHS panin Contact ki ngahzolo pawlkhat om leuleu hi. Hih anuai ateng lakah na UN Nambat akihel khak leh ZAM zumpi ah hong zasak pah in.
791-09C06975
354-10C04000
791-10C01088
512-03C01007
791-09C18361
791-10C06043
791-10C06059
791-10C00618
791-10C00623
791-10C00645
791-10C03266
354-03C09338
791-10C03915
791-09C05608
354-09C05860
791-09C03263
791-10C00680
791-09C15534
354-10C07918
791-10C00413
791-10C04453
354-03C01423
512-05C00483
354-13C03458
791-09C18080
791-09C05309
791-09C18393
791-10C00083
791-10C00372
354-10C03460
354-10C01639
791-10C05743
354-08C05853
791-09C18315
791-09C10332
791-09C08606
791-09C13180
791-09C13430
791-09C02469
791-10C00054
791-09C16804
791-10C00030
791-10C05621
791-09C16617
791-09C17884
791-09C07531
791-09C15312
791-10C03364
791-09C10311
791-09C16454
Na nambat om
leh omloh hoih-
tak na en in
maw!
Zomi vai thu genna om ding
Hong tung ding February 9 ni ciangin Kawlgam pan hong zin ahi Pu Gin Kam Lian (ZCD Secretary) & Dr. Do Suan Mung (GZA Secretary) te tung panin Zomi vai thungenna nasia tak omding ahih manin Khua makaite, Pawlpi makai siate leh Malaysia a om Zomi a kuama peuh hi bang hunhoih ngah ding hong hamsa mahmah ding ahih manin nong ki helkim zawhna ding un deihsakna lianpi tawh kong zawn uhhi.
Amun : ZAM Hall
Ani : 09 February 2015
Ahun : 11pm-3pm
Sunan : 11-12pm
Zinmang : Pu Gin Kam Lian & Dr. Do Suan Mung
Zomi Nam Ni bawlna ding mapan khopna apiasa teng
Khua kipawlna pan:
Anlangh 200
Dimpi 100
Kapteel 200
Laibung 100
Luangel 100
Mualbeem 200
Muallum 100
Ngalbual 100
Pangsak 100
Phunom 100
Tualzang 100
Tuimang 100
Tuipi 200
Tuitawh 100
Tuizang 100
Biakna pawlpi pan:
Laipian Pawlpi 200
Christ Mission Fellowship 200
Zomi Ebenezer Malaysia 200
ZAM pan dahpihna
ZAM palaai, Pa Thaa Mung ii pianna nu, Nu Dim Ngaih Lun (Kum 58) in a tenna Singunau panin 26/01/2015 ni zingsang nai 4:30am in hong nusiatna hangin Pa Thaa Mung, sanggam u le nau meltheihteng tawh kibangin ZAM panin ih dah khawm hi.
Lezang khua Pa Lukas Kap Sawm Dal (Buansing Beh) Kum 31) in lamet hetlohpi in a nasepna innpan ihmut suaksan ahih main adah akap a innkuanpihte le a nuasiat a zi a tate tawh kibang in ZAM zumpi pan dahpihna kong pulak uh hi.
Khasim ZAM palaaite thungetna
Khasim ZAM palaai te thungetna ah Rev. Kai Kim Thang (Galilee AG) in Pasian kammal tawh thapiakna hong nei-in tha kingah mahmah hi.
ZAM card tawite ading nasep
⦁ Kepong innlamna ah semding pasal 3 kideih. Omna pia. An pialo. Khasum RM1000/.
⦁ Aluminum setzung ah pasal 2 kideih. Khasum RM1100. Omna pia an pialo.
Lungdamkohna
⦁ Gin Tul Tuang (Laaitui) in tukal Thupuak ading RM50 hong pia ahih manin ki nuam mahmah hi.
⦁ Gamsung gampua pan ZAM nasepna te tha na piak nopleh lungdamtak in hongkisang ding hi.
Kidawm ciat ni!
Tusung teng Malaysia mun khempeuh phialah lamkhak (roadblock) omden pian hi. Zomi te ih hawhna ih ciahna ah kidawm in pilvaang ciat ni. Kota Raya kiim tengah tusung teng mawtaw tawh luak den ahih manin UN Card tawi nailo Zomi peuhmah a kisam lua ahih kei naak leh vaak loh theih kisin ni.
ZAM card tawite ading nasep
Kepong innlamna ah semding pasal 3 kideih. Omna pia. An pialo. Khasum RM1000/
Nasep hun 9am-6pm. Nai 6 khit zawh OT. Kal khat khat vei off.
Photo leh List te aki cianzaw in PDF file tawhzong na simsak unmaw.
Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email: [email protected]
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website 
tungpan kongsuaksak zelzel uhhi.
Note :: PDF tawh na simnop leh
Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Comment piaknop aomleh...