Malaysia, Kelantan ah sangnaupang Drug azang mi 279 ki mukhia

Malaysia, Kelantan State sungah sangnaupang Drug azang mi 279 ki mukhia

Malaysia, Kelantan State sungah sangnaupang te guihtheih khamtheih Drug azang aomhiam cih Test akibawlsak leh akigawm in sangnaupang mi 279 takin azatlam ki mukhia cih Bernama pan kiza hi. Tua sangnaupang 279 lakah numei pen mi 4 bek kihel uh a, adangteng pen pasal vive ahihi ci’n Kelantan State Legislative Assembly te’n pulakkhia uhhi.

Hihvai tawh kisai in thunei ulian ahi State Human Capital Development, Education, and High Education Committee chairman Datuk Dr Mohamed Fadzli Hassan in agenkhiatna ah sangnaupang 18 tepen Police te’n mansuak uh cihi.

Hih Drug Test akibawlna ah azun kisitsak in Urine Test abawl sangnaupang pasal akigawm in mi 3957 pha uhhi. Numei sungpan Urine Test akibawl pen akigawm in mi 191 phahi.

Drug zang uhhi ci’n Test Positive alak tepen azangden “Drug Addiction” dinmun hinai samlo uh a, akisincil uh ci’n Kota Darul Naim Complex ah tuni Tuesday ni in genkhia hi.

Hih sangnaupang tepen kumpisang National Secondary Schools ah akah uh hipan a, kumtawmlai mahmah uhhi.

More: Indonesia President inzong Drug Traffickers te thautawh kapkhuan piata

State Local Government, Housing, Youth and Sports Committee chairman Datuk Abdul Fattah Mahmood in agenkhiatna ah Kelantan State sungah guihtheih khamtheih abeisiang nadingin State Government leh NGO (Non-governmental Organisation) te kipawl in semkhawmding uh cihi. Sawltak #zomidaily