Malaysia, Terengganu ah Operasi lutin gamdangmi 13 kiman

Malaysia, Terengganu ah Operasi lutin gamdangmi 13 kiman

Malaysia, Terengganu State sungah State Immigration Department te’n Operasi bawl uh a, gamdangmi phalna kician neilo in aom mi 13 mankhia uh cih NST pan kiza hi. Tua Operasi pen “Ops Ikrar” ci uh a, Terengganu, Kemaman District sung aom Chukai khuasungteng ah Sunday ni in amatkhiat uh ahihi.

State Immigration director Wan Suhaini Wan Mohamad in agenkhiatna ah gamdangmi phalna neilo in nasem “illegal immigrants” mi 13 kiman in, tualak ah numei zong mi 3 kihel cihi.

Hih “Ops Ikrar” kici Operasi bawlna ah Enforcement Officers mi 14 kihel in, nai 9 sungtak akizom in Chukai sungteng aom inntengah banvak in gamdangmi te’n abansit ngekngek uh ahihi.

Akiman gamdang mite pen Thai pasal mi 10 leh Indonesia numei mi 3 ahihi. Hih akimansuak tepen Work Permit neilo, Travel Documents kiicna neilo in, Malaysia gamsung ah Overstaying in aomsuak uh cihi.

Akiman tepen akumphazah pen kum 22 leh 56 kikal ci a, “Section 6(1)(c) and Section 15(1)(c) of the Immigration Act 1959/63” thukhun tawh kizui in thu kibawlding cihi.

More: Operasi lutlaitak gammi kahi ci ahih manin, Malaysia gamlapi “Negaraku” kisasak

Operasi alut laitak in gamdangmi nasem pawlkhat taisimsawm uh a, ageinai aom gampalak ah akibu zong pawlkhat kimankik veve cihi. Aki mansuak gamdangmi tepen Ajil Detention Center ah kipuakding cih kiza hi. Sawltak #zomidaily