Yangon Airport ah Sitni khat thautawh kikaplum

Yangon Airport ah Sitni khat thautawh kikaplum

Tuni Sunday (29 January) nitaklam 5pm hunpawl in Yangon aom International Airport, Terminal 1 mai ah Kawlgam Sitni khat Pistol thautawh kikaplum cihthu kiza hi. Akikaplum Lawyer pa minpen U Ko Ni kici a, amahpen NLD ah thudotpi khat kici hi.

Hih akikaplum U Ko Ni pen Kawlgam panin ulian pawlkhat tawh Indonesia gamah “Senior Leadership Program” tawh azinkhia ahihi. Tuni akhualzinna Indonesia gampanin Singapore Transit tawh Yangon Airport hongtungkiklian hi a, Yangon International Airport, Terminal 1 mai ah Taxi kawmdingin akithawi laitak thautawi khatin nakap a, aphual ah sipah cih DVB TV News te tungtawn in kiza hi.

Asi sitnipa banah Taxi Driver zong liam cih kiza, pawlkhatin Taxi Driver pazong si cih agen om uhhi.

Pistol tawh akappa zong palik te’n mantheipah uh ci a, akappa leh asipa anih un Mandalay ah ateeng uh cihzong kiza hi. Pistol tawh akappa pen Yangon Airport sung aom Restaurant khat mai ah kimanpah a, thau 2 leh thautang pawlkhat zong ama tungpan ki mukhia cihthu kiza hi.

Video Clip a ennuam te ading in anuai ah aki kaplup khitlian Video Clip tomno khat Facebook pan ki enthei hi:

Athu akicianzaw in akitheihbeh ciangin hong Update kik nung. Kawlgam zong hong khauhpai giapgiap simthamta hi. ZD Sawltak #zomidaily

Myanmar Lower House in “Letter Bomb” kidopding Warninng pia

Updated Photo khat aki ngahna ah U Ko Ni pen naupangkhat (naupang pen atu kici) atawi laitak in anungpan in Pistol tawh akikap kici hi. Photo azaihkhaman zong na om citciat a, Photo sungah thaukappa in Pistol tawh bulhtuah dekphial in kapphei hileh kilawm hi.