Pasian kammal: Na Nu, na Pa uh na simmawh na bawlsia kei un. M-24:1
Pasian minthangta hen!. Pasian minthang ta hen!!.. Pasian Minthang ta hen!!!…; Leitung ah akineih siam minthang te kum sim in Acedamy ci hiam aw khat min vawh in Mikhempeuh mai ah ki pah tawi lanlan tazenhi , A ngah kha te bang nuam lua in kap liang uh hi. Ahih hang in anasepna pen Kineih khemzia siamna hi zen hi.
Tu in in Eite ading in hih kineih khemzia asiam te’n hamphatna them zong hong pia lo hi. Hamphatna hong pia kineih khem akul hetlo atatak in ahong kineih a hongkem (khem hilo) khat aom pen Nu te ahihi.. Pasian Minthanta hen!!!!!
NU..!!
Nu’ Cih Kammal mahmah pen Muhdah kammal hilo hi. Huatna kammal hilo hi. Etsatna kammal zong hibek lo hi. Itna kammal hi. Lungduai na kammal hi. Haksat hun teh lungsim hong hehneem zopenpen kammal hi.Tha neem hunah tha hong khauhsak kammal ahi.Tua hih man in Eite ading in atatak Academy pen Ihpian na NU te ahihi. Pasian Minthang ta hen!!!!!.
ATATAK TUNNU NASEP
Tuhun ah Mihau pawlkhat te’n tadeih napi’n naupaai hamsat na thuak nuam lo theihi. Zato ah Nau val leisim theih peuh aom khak leh lei/laziau thei hi. Ahih kei leh guthei uh hi. Tua na ngawn a adeih mahmah naungek sen zong Nau cingding/kem ding micial sawn lai hi. Zan hun in a angah lumsak lohi. Tuam lupsak hi. Azun aek siak nuam lohi. Azun aek asiakding inn nasem naucing mikoih hi.
Hih bang mi om ta se leh Eite ading in Ih pianna Nu te in agil sungmah ah hong paai hi. Apai pai na ah hong pua hi. Zan in hong lup pih hi. Ihsuah hun teh Sisan naingo tawh ih omna te Nu te,n hongsil siang hi. Gilkhial hun teh Nawizu hong pia hi. Anduh hun teh an haizan sa in hong muan hi. Ih mut nop hun teh aang ahih kei leh ael zang ah hong ih musak hi. Tua mun pen Ih mutna mun nuam penpen na mun lupna ahihi. Tua ahih man Eite ading in Ihpian na Nu te mah Academy ahihi. Pasian Minthanta hen!!!!!.
NU..TE NAUCIN’H THAMAN NA PIA NAIHIAM?
Amasa in lawm aw, nang abang pen thaman piaksawm na hiam? Bawi nawi/Kelnawi hai khat bang zah man hiam? Nikhat in bangzah vei nawi zu na dawn hiam? Nasuah tung pan Ih Nute nawi zu ih dawn kum bangzah sung hi a, tua sung a, Nu te Nawi Zu man te damtak in gawm tuah toto mawk le ci ih pian na Nu tung ah Nawi Zu man Leiba bang om in na um hiam?
Mipawl khat ten Nau kem ding kha khat in Sum tampipi tawh cial ahih leh naungeksen no tung pan hong kem toto Ihpian na Nu te Nau kep tha man leiba bang zah peuhmah nei ka hiam? Zun leh ek siak siangsilna, lam paitheinailo in hong kepna te thaman te bang zah tung ta ding na ngaihsutsak ngei hiam?
Gam khangto na mun ah Puansawp set te om in tampipi man in kilei hi. Ahih kei leh Puamsawp sai pi om in tualai ah puamsopsop mi om hi. Hih te tha man neivive ahihi. Tua ahih leh Neu tung pan kipan puan hong sopsop sak Ihpian na Nu te thaman bangzah leiba na nei hiam? Na deih bangbang puan hong ih pian na Nu te tu in nang bangzah puan na lei sak ta hiam? Akamsung tung khinsa an te lakhia kik a, ait mahmah ata te hong muan hi. Tu in nang sum na muh teh an lim na nek hun teh Na Nu te na nagih sun kha hiam? Ahih kei leh Na lawm te aduh bangbang leisak zaw na hiam? Kua pen nang ading Academy zaw hiam?
PAPI TE’N NAZI BANGCI DIN MUN AH NAKOIH HIAM?
Papi pawlkhat te’n azi te uh Van dan khat bangin akoih om hi.Khua ta lam ah Papi pawl khat te’n azi mihing in mulo in ngan hingdan in ahih kei sila dan koih thei hi. Anliim saliim anek hun teh Azi phawk kha lo hi. Anhuan nasep, Sing puak nasep, Nakep nasep te ah ki pengsak hi. Zite nahuan sa min kei , Nawilua, Hullua, liim kei, Nau kap leh Na Nusamh, nau in zun leh ek tha leh Na Nu uh e..sam!!! Sam!!! kinawh ci uh hi. Zuliim nono asa ding in sawl a, zukhum kei leh nazu khum kei,ci, Zukhum pian leh lah kimangthei tei ei ci.. phailoh dupkang suk azi phawk nawn lo, Awk1 Lua lai ki tom lai azi tuk pengp bang insui, apaang beng lailai hi.Ahih cidan mah ding a zineih ahihiam? Ta te muhna ah Pa In Nu te bengleuleu cih te khel huai hun ahihi.
Khuapi leh gamdang te ah nuntak ham sa ahih manin Nau pen Pa in kem zaw sop in NU te cimeeknasep na munah nasem dingin sawl kawikawi om thei ci hi.Tua lo zu leh Beer zuak na mun TV game nasep na mun peuhah nasep zon sak thei uh hi. Hih bang munah hun khenval na hang in buai om thei hi Tua ahih man Papi khang lai te’n na Zi te Nu khanglai te bang mun ah koih le ci’n tate ading in Nu hoih Academy suak thei ding ahihiam cih geel sak huaimahmahhi.
TATE IN ACADEMY APIAK NOPLOH NU TE PAWLKHAT
Hih mun pen alau huai mahmah dinmun khuaksak na ahihi. Tate ading in Nu cih hoih mahmah hehnepna kammal ahizenzen hang in Ta pawl khat te hong khankhit a khua theih hun teh NU ci nuam lohi.
Bang hang hiam cih leh Nukhat sung pan unau tampi pha in ahih hang Pa kibang lo sese, Pawlkhat leuleu Pa leh Tanu mawhkhial kha in anuta un Pa cikhawm sese, Pasal te gamdang zin kal in Tate Nusia in Pasaldang azong Nu pi laa te,ahihi. Ta te in Ka Nu avangsel hi veh maw heh pih huai si e cih thei lo in heh den na , thang paih na lam in kila zaw ahih man in Nu pawl khat in tate tung pan Academy ngah khalo hihi.
BANGBANG HITA SE LEH
Bangbang hita se leh Pasian thu sungah lungsim takpi kitamzan in ki ap a, Pasian muan leh upna sungah aom leitung mi khempeuh in Nute ih phawk tawn tungding ahihi. Pasian in Na Nu Na Pa nasim mawh nabawl sia kei un, acih mahbang in Eite ading in kineih khem siam mi minthangte sang in hongcing hongkem hong pan tah taktak agim atawl penpen in Ih Pianna NU te ahih man tulai pau in NU pen Academy ahihi. Pasian minthang ta hen!!!!.
Nu neilai ten Nu ciding hamsa kisa in, Nu nei nawn lo ten Nu, Nu aw cih Khatvei bek sam kik nuam sing ciuh hi. Dawibiak hun lai pekpan kipan Ei Zomi te Nu leh Pa Zahtakna akinei ahihi. Sian Mang ih cih mizata Sianmang , Pianna Tuun leh Zua zong Sianmang, ci in la in zongsa uh hi.Gan hingten zong Nu nei na pi Nu cilo uh hi. Nu ci -in Sam theilo uh hi. Ahih hang en le ci’n Akno te’n Api nung zui liailiai uhhi. Mupi lengleh Api in ano te akha nuai ah busak thei sam hi. Mihing sungpan apiang ahih zenzen loh hang In khawi Uipil te en in Apileh Apu Vai atun teh Pautheilo pipi amei pekvelvel in lungdam kothei hi.
Tua hihman in Nu te nibek in Nute akipawk sak bek hilo in atawn tung in phawk in Nu Thu Pa san siam zia ding lam hong tawn tung a, Eite ading in Ih pianna NU te in tu laipau in Academy taktak ahihi.. Pasian Minthangta hen!!!! Lungdam…
Hau Thang
Comment piaknop aomleh...