A theihhuai numeite thu ~ Job Cinpi

A theihhuai numeite thu ~ Job Cinpi

1. Numei ahi na zi ahi a, na lawmngaihnu tawh ahi zongin kam kinial a na kito khit uh ciangin, amah tangsak, thumansak inla nang a khial bangin om lel in. A lung uh dam mahmah ding uh hi. Ahi zongin amau khialhna ahih nak leh a lung uh a dam hangin kisuanna nei lel ding uh a, a lungdamna uh a hang len na khualna na theihsimna tungah a lungdam hi zaw kha ding uh hi. (Numei khempeuh tua ci sam lo hi. Ahi zongin numei a tam zaw hai lo uh a, numei a tam zawte in pasalte khialna theihsiamna thusim uh hi.

2. “ Bangmah hi kei,” hong cih leh na thusim khat a thei khinkhia hi thei uh hi. Kidawmin om in.

3. “Bang bang ahi ta zongin,” cih kammal na zak a leh thu khatpeuh tawh hong lungmangsak nuam, hong tawnbawl nuam hi ta hi cih phawk in.

4. “Na hihnop leh hih lel ve,” hong cih leh hong vauhilh hi cih thei pah in. Hong phal hi peuhmah lo uh hi. Na theihsiam ding hi pah hi. Na hihnopnleh hih in nong ci hiblo maw cihte na gen kik ni pen na kitot ni uh hi pah ding hi. Tua manin hih kei leng hoih pen ding hi.

5. “Kingah lel e,” cih kammal na zak leh na khialhna, na mawhna thum nading hun hong pia ahi uh hi. Kingah lel cih tawh na om sangin mawh ing khial ing ci-in thum le cin hoih zaw ding hi.

6. “Bang ee,” hong cih kik uh pen a za lo hi peuhmah lo uh hi. Na thugen, na kammal puah kik ding hun khat hong pia kik hi a, amau deih, a mau zaknop kammal tawh khel kik ding a deihna uh ahi hi.

7. “Bangmah hong gen nawn peuhmah ken,” hong cih ua leh tawlnga lo na gen ding kipan pah lian in. Tua ahih kei leh amah tawh na kihim hun ding om nawn lo kha ding hi. Thu kinialin ka hun uh bei ding hi.

8. “Aw, hi maw, tua dan maw,” hong cih leh na gamtat a thei khin ahih manin paulap zong nawn se lo a thuman gen lecin nang ading hoih zaw ding hi.

9. “A hi ve,” hong cih leh na khialhna thei khin ahih manin na khialhna hong maisak zo cihna khat ahi hi.

10.. “Aw” hong cihsan hithiat leh na thugen pen a theihsa, na gamtatna a theihsa ahih manin, hong hai bawl lua ken, nang a hai zaw hi teh hong ci nuam uh ahi hi. Lungdam, Job Cinpi (Zomi Laisim nuamte)