India Embassy mai ah lungphona bawlding pulakna

India Embassy mai ah lungphona bawlding pulakna

Lamka buaina tawh kisai panlak zia ding ZIUSA in vuicing takin hong gelkhiata ahih man in lungdam hang.

Leikiuli ah Zomi te’n ih omna tek pan in Indian Embassy ah lungphona ih neih tek ding thupi hi.

Tua ahih man in:
1. ZIUSA in Indian embassy te’ tung aa ih piak ding laipi pen amanlang in hong gel in ah gam tuamtuam aa lungphona makaidingte’ tung ah copy hong khak khol un ci’n zahtakna lianpi tawh hong thuum sawnsawn ing. Tua hi leh ih thu lawng khat in pai ding aa ih husa khauhtuam ding in ka ngaihsun hi.

2. Ih lungpho ni zong kibang mai henla leitung bup ah September ni 8 ni in lungpho ngeingai leng hoih pen ding hi.

3. Zangkong/Rangoon ah zong Indian Embassy om aih teh lungphona neih huai hi. Tua hong makaih ding in Zomi Siamsinte leh ZYA muanna tak tawh ih cial hi. Permit ngetna ah min piangam na om kei uh leh ka min leh ka matpongtin (NRC) tawh nget theih hi. A zenzen in hih lungphona nong makaih ngamkei ding uh leh hong pulak pah un ci’n hong thuum beh sawnsawn ing.

4. Ih lungphona tek ah mediate atam theithei hong paina ding vaihawm huai hi. Media tung ah thugen ding zong atuam in kiseh pah huai hi. Tua teh ih message akibat/akizawitawn kul hi.

5. Lungphona ding leh mailam kalsuan ziadingte amanlang in kikup semsem theihna ding in Viber Group khat zong phuat huai hi.

6. A detail in gen theihna a om zenzen leh Manipur state ah tribal/singtaangmi tading in Seperate Administration/separate state kisamta ahihna thu leh tua vai asian madong President’s Rule hong koihsakna ding uh ngethuai kasa hi.

Zomite Pasian in hong gualzawhpih hen

Mung Lan Thang/ Thangboi
Zangkong/ Rangoon