Malaysia ah leibat haulua pasal khat Bukit Bintang inndawn pan lengkhia in si

Malaysia ah leibat haulua pasal khat Bukit Bintang inndawn pan lengkhia in si

Malaysia, Bukit Bintang Skyscraper innsangdawn panin pasal khat lengkhia in sisuakpah cih NST pan kiza hi. Tuapa pen van apuak kawikawi nasep “Delivery” asemkhat ahihi.

Thursday ni in Bukit Bintang vengsung Jalan Sultan Ismail lamzikpitung aom Central Plaza Building ii inndawl 29th Floor ah Elevator tawh kahtoto in, atung atun ciangin lengkhia in asi kici hi.

Tuapa pen kum 36 aphakhin khat hi a, tua alenkhiatna Central Plaza Building geinai aom Company khatah nasem in aom ahihi. Nitaklam 6pm hunpawl in alengkhia hi a, khuasungvak Passersby te’n asisa in mukhia uhhi.

Tuapa ii asihna tawh kizui in anaseppih te akidot ciangin aki sihbawlma in agamtat bangmah aki lamdanglua katheikha kei uhhi ci’n genkhia uh cihi. Ahi zongin Police te’n athu limtak akankhiat uhciangin leibat “Financial Debts” haulua mahmah in, piakkik zawhding hipak nawnlo ahih manin, tuahang tawh amahleh amah aki sihbawl hiding ci uhhi.

Tuapa pen Negri Sembilan pan hi a, Kuala Lumpur khuapisung ah nasemding in apai ahihi. Kuala Lumpur atunzawh leibat lakawikawi in, anunung ciangin bangmah lohkikzo nawnlo hi.

Dang Wangi Police chief Assistant Commissioner Shaharudin Abdullah in agenkhiatna ah hihpa sihna pen asitvat “Sudden Death” ci’n ki ciamtehphot a, aluanghawm pen Kuala Lumpur Hospital ah Postmortem bawlding in kipuak hi ci’n genkhia hi.

More: Cartoon Video etteh in naupangno khat inndawl 10 na panin Kawllukhu tawh lengkhia

Leibat pen alak laitak baih kisa ziauziauthei himahleh apiakkik, alohkik dingciangin hamsa kisatek mahmah hi. Tua ahih manin ahihtheih liailiai nakleh kuamah tungah itna lobuang leibat neihlohding thupi penpen hi. Itna leibat nangawn zong ki khasiatna piangthei sawnsawn hi. Sawltak #zomidaily