Vanleng sungah veihpekna hangin kitotna piang, Emergency Landing ki bawlpihliang
Netherlands gam ii khuapi ahi Amsterdam City zuanin aleng vanleng sungah pasal khatin aveih pekpek in kitotna piangsak cih Straits Times pan kiza hi. Tua pasalpa aveih pekpek in vanleng sungah atuang midang Passenger tetawh kitotna piangsak, buaina piangsakgawp cimawk hi.
Tuaciangin vanlenghawl Pilot inzong Netherlands gamlam zuatpih nawnlo in, anaipenpen ahi Austria gam ii khuapi Vienna City ah amanlang in Emergency Landing bawlpih cizawzen hi.
Tua vanleng pen Transavia Airlines hi a, Dubai City panin Amsterdam City zuanin alengkhia ahihi. Hih thupiang pen nungkalsung kici a, vanleng sungah atuang pasal khatin aveih pekpek cihi. Agei ah atu Dutch gammi pasal 2 te’n naveih hongkidawm in ci’n athuum uhhangin, tuapa in aveih pekveve hi ci’n Local News Outlet De Telegraaf te’n genkhia hi.
Tuabang in aveih apekpek teitei ciangin kitawn in, kam kinialgawp uhhi. Dutch Airline sungah nasem Flight Attenddant tezong aphelhding in kithawi uh a, ahi zongin vanleng sungah kitotna piangin buaigawp uhhi.
Tuaciangin vanlenghawl Pilot inzong acihnading theinawnlo in vandawn alenna uhtawh akinaipen Vienna International Airport ah Emergency Landing bawlin akumpih ahihi.
Vienna International Airport ah atun uhciangin Austrian Police Officers te vanleng sungah uitawh kahtoh uh a, tualaitak Video zong kizaihkha in Social Media ah kikhahkhia hi.
Video: Pilot forced to make emergency landing after fight breaks out when passenger refuses to stop FARTING
Vanlengsung panin veih vaitawh buaina apiangsak leh akihelkha mi 4 te Police te’n kaikhia uh a, vanleng zuisak nawnlo uhhi. Tua Passenger mi 4 tepen Transavia Airlines azuihding kiphalnawnlo, ki khamcip hi. Tua ahih manin, Vienna City panin Amsterdam City azuatkik nadingun amauleh amau vanleng vaihawm in, ticket aleikik uh kulhiau cimawk hi.
More: AirAsia vanleng sungah Chinese pasal khatin zatep ahih manin kiman
Vanleng sungah veih apekpekpa pen banghangin tuaci mawkpekpek hidinghiam cihpen kitheilo a, natna “medical condition” khatpeuh anei ahikhadiam cihzong akicianin kigenkhia nawnlo hi. Veihthaw, veihhau tezong anawngkai mahmah himawk ei 🙂 Nungak te’n veih asan ciangin, tangval te’n nangveih hipeuhleh phamawhkei cihtepawl hihlai ah kizangtheilo hikhading hi. Sawltak #zomidaily
Comment piaknop aomleh...