Kawl Buddhist biakna azui nungak khat zi aneihsawm te theihding thukhun

Kawl Buddhist biakna azui nungak khat zi aneihsawm te theihding thukhun

A theihhuai 2015 kum in a ki update thak a hi “မြန်မာ ဗုဒ္ဓဘာသာဝင် မိန်းမများ အထူးထိမ်းမြားခြင်းဆိုင်ရာ ဥပဒေ”

Hih upadi pen 1954 kum pek pan in a om khin upadi hi ta mah leh, kisap na leh kicin loh na tuam tuam om hi cih na tawh 2015 kum August 26 ni-in a thak in akikip sak beh upadi khat hi.

Hih lai bang hang in hong gelh ka hiam cih leh Myanmar Buddhist numei khat na ten pih ma in na thei lim lim nang ka deih man hi.

Hih မြန်မာ ဗုဒ္ဓဘာသာဝင် မိန်းမများ အထူးထိမ်းမြားခြင်းဆိုင်ရာ ဥပဒေ sung ah khenpi 9 leh Section 41 om hi. Ahih hang in hih kong gelh na ah khenpi 4, Section 19 leh 20 na “ဗုဒ္ဓဘာသာမဟုတ်သည် ့ယောကျာ်းလိုက်နာရမည် ့အချက်များ” leh khenpi 8, Section 33, 34, 35 na “ပြစ်မှုနှင့်ပြစ်ဒဏ် များ” cih te hong gelh khawm ding hing.

Section19; Hih upadi tawh a kiteng khin aihkeh akiteng hi ci aa kingaihsun sa te Buddhist biakna a hi lo pasal te in Myanmar Buddist Numei te ii upna biakna tawh kisai in

(က) Myanmar Buddhist Numei te amau upna biakna ah suakta tak in biakpiak khuan piak kul hi.

(ခ) Myanmar Buddhist Numei tawh aneih a hi tanu,tapa te pen amau ut na biakna ah suakta tak in biakpiak khuan piak kul hi.

(ဂ) Zi leh pasal teenna inn ah Myanmar Buddhist Numei in Buddha Milim te, tattun te (စေတီ), a pasian lim te leh Buddha tawh kisai vanzat tuamtuam te koih khuan leh biakkhuan piak kul hi.

(ဃ) Myanmar Buddhist Numei te ii piakkhiatna,a pasian biakna, pasian lai simna, khitang khinna, pasian thu ngaihna, pasian biakinn ah a paina, sabbath tanna, Buddha laite sinna, simna, ngaihna, Buddha upna tawh kisai na sep na atuam tuamte ah sep khuam piak kul hi.

Punishment Sec 33: Buddhist ahi lo pasal in hih a tung aa section 19 (က), (ခ), (ဂ), (ဃ) aa kigelh thu teng pan khat lim lim apalsat leh thong atam pen kum1 kia bek tham lo in,sum atam pen teng 5 liau kha ding hi.

(င) Myanmar Buddha Numei te Buddha a upna leh biakna pen lamkhat pepeuh tawh nusia sak in,ng upna ah laihsak ahi zong in,adang upna khat pepeuh ah laih sak ahi zong tuadan in kilaih sak thei lo hi.

Punishment Sec 34: Buddhist ahi lo pasal khat in hih atung athu a palsat leh thong atam pen kum 2 kia bek tham lo in,sum atam pen teng 20 liau kha ding hi.

(စ) Buddha biakna simmawh nopna tawh na zi ii biakpiak na mun ahi zong,a thupit sak vante ahi zong,susia aihkeh suplawh aa kisiat nang aihkeh kisusia sak thei lo hi.

(ဆ) Myanmar Buddha Numei ii a biakna,upna pen Kamtawh ahi zong,Laitawh ahi zong,aki lang limtawh ahi zong,gamtat na tawh ahi zong simmawh bawl sak thei lo hi.

(ဇ) Myanmar Buddhist Numei asih ciang in Buddha biakna ngeina tawh kivui khuan piak kul hi.

Punishment Section 35; Buddhist ahi lo pasal in hih atung aa Sec 19(စ), (ဆ) leh (ဇ) a kigelh thu khat lim lim a palsat leh thong atam pen kum 2 kia bek tham lo in,sum a tam pen teng 15 liau ding hi.

Section 20; A dang akizang laitak Upadi aihkeh ngeina te’n bang bg ci ta mah leh hih upadi tawh akiteng khin Buddhist a hi lo pasal in Section 19 a kigelh ahi thu khat pepeuh apal san leh Myanmar Buddhist Numei in Buddhist ahi lo a pasal tawh kikhen thei hi.Tua a kikhen na hang in a zi in a pasal akhen leh,

(က) Tua pasal in nupa neih van pan amah ngah ding gamh te nusia bek tham lo in,Myanmar Buddhist numei pen supman liausum piak kha ding hi.

(ခ) Myanmar Buddhist Numei in ta khempeuh kepkhuan ngah ding hi.

(ဂ) Tua pasal in kumcing nailo tate a ding naukep man pia ding hi. Zomigreen MBiak Sang