ZCD’ maban limci khat ~ Pu Thangboi
Kawl gambup innpi (hluttaw) in Gam Thukhun Laihna Ah Amakaih Ding Committee khat phuat ding in February ni 6 ni in kipsak khin hi. Tua committee ah mi 41 kihel ding cih zong tangko khin uh hi. Tua palai 41 lak ah agualzo party te pan palai 32, independent pan palai 1, leh kawl galkap palai 8 avekpi gawm 41 ahi hi.
Chin State pan ZCD Bek Kihel Kha
“Agualzo party te” acihna ah gambup level dong ah MP angahzo party te bek ci ahih man in Chin State ah gambup level (pyi htaung su ahsint) MP anei minam minsel party ZCD bek hong hiziau hi. ZCD tangmi ding in ZCD makai Pu Gin Kam Lian hong teelsak uh hi.
Pu Gin Kam Lian’ lunggulh
– Hih gam thukhun puahphat theihna ding a amakaih ding committee lak ah Zomi te ih kihel khak pen Pasian’ thupha taktak hi a, ih minam party ih neih man a ih hamphatna zong hi.
– Zingciang (Feb. 25, 2019) a kipan nasep kipan pah ciatciat ding ci hi. 2008 Thukhun chapter 1 pan kipan pah ding ci hi.
– Tua hi in ih lunggulh Zomi State vaite ahi zong, ih Minam min vaite ahi zong, hih Chapter 1 ah ompah ahih teh mipi lam pan in bang thu sung leng hoih ding cih ngaihsutna hongpia le uh cin lunggulh mahmah ing.
– Hunkhat lai in “Maung Kung 2 Khawmpi (National Convention/ ညောင်နှစ်ပင်ညီလာခံ) ih thusim kei vial leh hong gahsuah veve mawk uh in tutung ih pankhialh hetloh ding thupi ding hi. cih teng hong gen hi.
Mipi lampan ngaihsutna apia nuam te’n ama’ tungah ahizong, ZCD makai khatpeuh’ tungah ahi zong, kei’ tung mahmah ah ahizong nong piakna ding un itna leh zahtakna lianpi tawh hong zasak ing. Lungdam, Note’ itna sung ah Mung Laan Thang (Tawmvei, Zangkong)
Comment piaknop aomleh...