Tulaai Leitung Thuthang Tuamtuam Updates May 9, 2016

· Afghanistan gam Kandahar khuapi pan Kabul kikaal ataai mi 125 apua Bus pi nih leh Namgimtui apua Matawpi khat May 9,2016 ni in kiphu kha a, Mawtaw athum in kuang ahihman in mi 52 amun ah sipah in 70 te liamna baina tawh zato inn ah kipuak hi. VOA

· Turkey gam leh Syria gamgi dung a May 8,2016 ni zantha paai IS migilo te leh Turkey gaalkaap te kikaap uha, Turkey gaalkaap ten Thaupi tawh nasiatak in gaalkaap uh ahihman in IS migilo 55 si ci in Turkey thunei ten gen uhhi. May 8 zinglam in hihmun teng mah ah US leh apawlten Vanlam tawh bomb akhiatna hang un IS migilo 48 si uhhi.VOA

· Sen gam Fujian Province Taining County ah May 9,2016 ni in Guah naakzuk lua mahmah ahihman in men kicim a, Innlam naseem mi 37 te Mencim in vuknelh in atun abanna kitheilo ci in Xinhua thukizaakna in pulaak hi. Nungkum December kha in zong hikiim teng ah men kicim a mi 70 vaal singei uhhi.CNN

· North Korea gam thuneihna akeemcing Worker’s Party of Korea ( WPK ) Khawmpi May 7,2016 ni in Pyongyang khuapi ah thupi tak in bawl uha, North Korea leikhamangpi Kim Jong Un in koiteng kaapding acitam ci in mipi dipkuasa in aom laaitak Kim in North Korea thuneihna susia ding a ongvau aom ciangbek in North Korea gamten I Nuclear gaalvan te izangpan ding a, South Korea tawh zong unau pata ihihman in maailam ah kiho a kinaalzop mahmah kulding ci in pulaak ahihman in mipi nuamna dahdah in nui lingling uhhi.VOA

· Egypt gam Cairo khuapi kiang ah Eygpt palik te Van mawtaw tawh akileh zialzial laaitak IS migilo te in May 9,2016 ni in naban kap uha, Egypt palik 8 sihkhat in sipah in pawlkhat liam uhhi.BBC

· Leitung bup a om “NU” akici kheempeuh na “MANPHA” mahmah uha, na “THUPI” mahmah uhhi.Topan khansauna, cidamna, ahauhna nopsakna leh Vandaaitui tawh ongtuam ta hen ci in thu kongngetsak hi. TKP

Thang Khawm Pau ZOMi
Bowling Green , Kentucky
USA
Cell- 270 -217 9593