Leitungbup Khimzing kikding
Ongtungding November 15,2017@3am pawl pan November 30 ,2017@4:45pm kikaal ni 15 sung mialcipding hi ci in Vanlam leh Leitung thutuamtuam akancian NASA te in August 21 ni pan taangkokhia uhhi. NEWS WATCH33
USA Gam ah Tuikhang
USA gam Texas State Huston khuapi kuam teng ah abeisa ninih pan kipan huihp guahpi te hang in Inn le lo tampi kisia ban ah tuikhang in inn le lampi te tuumcip ahihman in mitampi tak in hamsatna lianpi tuak uhhi. Hih tuikhanna hang in misi-4 ciang kikipsak a tampi omlaaiding in thunei ten gen uhhi. Asun azan cilo in Kumpi lampan mihuh ten acimawh te huhziahziah uha naikhat sung in mi-1000 khat kiang pan huhngetna ngahden uhhi. Tuikhan kizomtoding a mencim zong omlaaiding ci in thunei ten gen uhhi. Hibang hamsatna peen USA gam ah ompakpaklo anasia pawl in gen uhhi. CNN
Lakewood Church Kihong ta
USA gam Texas state Huston Khuapi kim ah tuikhanna hang in Biak Inn tampi te in abiak inn te uh micimawhte bukna ding in hong in Pawlpi mite mahmah in acimawh te huh in aomlaaitak un Biak Inn lian mahmah leh Pawlpi mi atam mahmah Lakewood Church te in tuikhang ahihman in Biak Inn ah kuamah luuttheiloding ci in taangko mawk uh ahihman in nasiatak in mipi in phunsan pah ziahziah ahihman in August 29, 17 ni in hon kipan ta uhhi. ABC
North Korea in US phin kik ta
North Korea kumpi samtanglitlet Kim Jong Un leh US President Sam pheileen zilzial Donald Trump te Naupang kum-8 gual bang in kiphin in kikaapding zahdong akihehsuah na uh ongdaaipian cihkawmkaal August 29, 17 ni zinglam in North Korea ten Thauthang khat Japan gam kaantan in lawnkhia uhhi. Hih thu hang in Japan Pm Shinko Abe in Trump hopihpah a Trump in kiginkholna teelding kheempeuh tun Sabuai tung ah amansa in om ci leuleu hi. South Korea tenbel thuakhak sa sim uh ahihman in Meikuangthau nasiatak in kizom paisuak in lawn ziahziah uhhi.BBC
iPhone 8 kihawmkhia tading
Apple Company te in sawtkhol lo khat akigin khit uhciang ongtungding September 12,2017 ni pan kipan in iPhone8 hawmkhia tading a aman ding ahihleh $999 kiim manding ci uhhi.iPhone dangte tawh kisun phalo a pumpieupiau in amaai maan zaizawdiak ding ci uhhi.Apple
Asia gam ah Tuikhang
India gam Mumbai khuapi ah Khuapi guahzuk na hang in August 29, 17 ni in nasiatak in tuikhang a lampi pawlkhat bang tui in tuumcip ahihman in kuamah kivaakkhia theilo hi. Hih tuikhanna hang in mipi 16million bang in hamsatna tuak uhhi. Hih Khuapi guah in Nepal leh Bangladesh gam zong tuam deuhi nawkgawp a mi-500 bang si hi. BBC
Pope Francis Kawlgam ongzin ding
Roman Catholic Biakna sung pan avanglian peen leh Leitung buppi in azahtaak mahmah ahi Pope Francis peen ongtungdng November 27-30 sung Kawlgam sung ongzinding a ongzinsung in adiak in ki itna thu genbel in ongneiding ci in Bishop Lian Khen Thang in August 29, 17 ni in Zokam tawh taangkokhia ta hi. Bishop Lian Khen
Prsident Trump te Nupa Texas vahawh
Texas Huston tuikhanna hang in acimawh agim atawlte tha vapia ding in US President Trump leh a Angkawi te official in August 29, 17 ni in vazin uhhi. Tulaitak in President Trump in thulian mahmah nam-4 phulkha a tuate in Election Campaign sung Russia tawh vaai, North Korea te phinna, Mikang Lungsim uangneih te leh Mivom kisimmawhna leh tuikhanna hang a mipi cihmawhna cihte ahihi.Thungetna ah phawkpih ciat ni.CNN
Thang Khawm Pau
Lungdam
Comment piaknop aomleh...