Malaysia, Kota Kinabalu ah Operasi kibawl in mi 19 kiman
Malaysia, Kota Kinabalu khuasung ah City Police te makaihna tawh “Anti-crime Operation” cih minvawh in Operasi kibawl a, akigawm in mi 19 kimankhia cih theStar pan kiza hi. Tua Operasi pen Friday nitaklam 7pm panin Saturday zingsanglam 2am hundong akibawl ahihi.
Hihvai tawh kisai in palik thunei ahi Kota Kinabalu police chief Asst Comm Habibi Majinji in agenkhiatna ah Operasi pen muntuamtuam, akigawm in mun 6 ah kibawl hi. Kumpi thuneizong Immigration, National Registration Department, City Hall cihbang Department tuamtuam panin Officer te kipawlkhawm in kibawl hi ci’n genkhia hi.
Operasi panin akimankhia mi 19 lakpanin mi 10 tepen gitloh gamtatna Criminal Case anei vive uh hi a, abeisa in guta, mi innbuluh cihbangin agamta te ahi uhhi. Adang tepen Malaysia gamsung ah phalna kician neilo in illegal immigrants dinmun tawh aomte uhhi ci’n tuni Saturday ni in Statement ah genkhia uhhi.
Tua akiman mi 19 tepen akum 15 panin 59 kikal ahihi.
Police Chief in agenbehna ah hihbangin ahunhun in Operasi akibawl zelzelna ahangpen Kota Kinabalu khuapisung ah gamdangmi phalna aneilo, illegal immigrants te siansuahtheih nading leh gitloh gamtatna Crime Case atawm semsemtheih nadingin Operasi akibawl zelzel hi ci’n genkhia hi.
More: Malaysia gambup ah Operasi kibawl kawikawi, mi 500 val kimankhin
Tuaban ah muanmawhhuai gamtatna leh amuanmawhhuai mikhatpeuh namuhkhak uhleh amanlang in hong zasakpah un ci’n khuasung mipite tungahzong zaksakna neikhia uhhi. Ih khuapi pen bitna aomtheih nadingin semkhawmding hihang ci’n Police Chief in mipite hanthohna genkhia hi. Sawltak #zomidaily
Comment piaknop aomleh...