Tonzang NLD pan akimuang pen ~ Pu Thangboi
Tonzang gam pan NLD tawh mekuang luiding lak ah Sia Zamno leh Pu Kam Khen Mang te akimuang pen ahi hi. Sia Zamno pen 2015 kum lai in USDP pan luingei khin ahih man in NLD in athukhun uh zui in luisak lo ding cikik uh hi. Sia Zamno om nawnlo ahih man in tu’n Pu Kam Khen Mang akimuang penpen ong hita hi.
Amah kua ahiam?
Amah pen 1990 kum lai in ZNC party (tu’n ZCD) ah inntek mahmah in nakpi in ZNC gualzawhna dingin ma apang khat ahi hi. Amau’ inn ah ZNC signboard amahmah in suangpah a ZNC zum in zong amau’ inn akizangh ahi hi.
1990 kum kitelna ah agualzote kawl galkap kumpi in thuneihna apnuamlo ahih man in thukawng ong kihei a ZNC party nangawn hong phiatsak lai uh hi.
Tuatak ciang in nuntakna ding zong in Singapore lam ah kum 30 dektak phial ava om ahi hi. Kumpi’ phalna tawh apai ahih ban ah kumpi’ tungah siah pia ngiatngiat ahih man in mekuang luikhuan anei ahi hi.
Amau Unau
Amau unau pen gam leh lei veingiat leh akipiakhia ngiat, asem ngam ngiat te ahi uh hi. Anau Pu Hau Kang zong 1988 kum gambup buailai in Tonzang ah Siamsinte makai in lungphona ah nakpi in makai hi.
Anau Pu Kam Lam Khup(L) zong ZRA ah mi muanhuai mahmah khat in omngei hi.
Anau Pu Thang En Pau (Tulaitak ZKK makai) zong Tonzang sangpi ah akahlai pek in tawlanzi (revolution) asemngei khat ahi hi. Tualaitak a siapipa (1992 kum ?) pen namdang khat hi a inntekte hong toto vial ahih man in thuakzo nawnlo in siapipa vuak ding in zandelh ngei hi.
Zogam leh Zomi ading nasepnate ah nakpi takin amapang ngeite ahih man un mailam ah zong nakpi in hong makaih laiding uh ih lunggulh mahmah hi. Pasian in cidamna, khansauna leh matutna hong piaksak ngiat ta hen. Lungdam, Mung Laan Thang (Tonzang, Zogam)
More: Tuni Tonzang ah thu khentat pawlkhat ~ Pu Thangboi
ZCD sungah thusia om zenzenlo hi. Kuamah in mi sutuahtuah kei leng hoih ding hi. Mipi in ZCD it mahmah leh lam-en mahmah lai ahih lam tel mahmah ing. Kei aphual a om hi’ng.
27 ni (Monday) ciangin Pasian’ sehsa mekuang luidingte’ min hong kitangko khia ding hi. Thusia lasia om peuhmahlo ding hi. Lung himawhna ding omlo hi. Party, Zogam leh Zomi ait kidem ding hileng ngap mahmah ing. Lungdam, Mung Laan Thang (Tonzang, Zogam)
Comment piaknop aomleh...