Aung San Suu Kyi Singapore ah kumpi vaitawh zinding

Aung San Suu Kyi Singapore ah kumpi vaitawh zinding

Myanmar State Counsellor Aung San Suu Kyi pen Singapore ah kumpi vaitawh November 30 panin December 02 dong zinding cih Singapore’s Ministry of Foreign Affairs (MFA) te’n zanni in genkhia uhhi.

Singapore Prime Minister Lee Hsien Loong ii sapna tawh azinding hi a, kumpi vaihawmna tawh muakna “Official Welcome Ceremony” banah kumpi huangsung Singapore Istana ah nitak an nekpihna zong ki neihpihding cihi.

Thursday ni in Singapore aom Asian Civilisations Museum ah akibawlding ahi “Cities and Kings: Ancient Treasures from Myanmar” kici Myanmar Artefacts Exhibition ahzong Aung San Suu Kyi leh Lee Hsien Loong te Guests-of-honour in kihelding uhhi.

Aung San Suu Kyi ii khualzinna Agenda lakah IE Singapore’s Global Conversations cihzong kihel a, Singapore tawh sumzon paizonzia kikupkhopna zong neiding uhhi.

Kawlgam pen Singapore ii Trading Partner gamkhat hi a, 2015 kumsung bekbek inzong S$3.57 billion bang Trading kinei cihi. Singapore gam adingin Kawlgam pen “28th largest trading partner” ahihi.

Kawlgam ading leuleu in Singapore pen “third largest trading partner” hikik leuleu hi. China leh Thailand khitzawh Singapore pen Kawlgam in Trading aki limneih mahmah ahihi.

Tuaban ah Singapore gampen Kawlgam sungah Investment honglimbawl mahmah gamlianpen nihna ahihi. Tukum October khabei ciangciang Kawlgam ah Investor alianpen China (US$18.5 billion) hi a, tuazom ah Singapore (US$15.6 billion) ahihi. “Second largest investor” in aki ciamteh ahihi.

Singapore gamsung ah “Singapore Botanic Gardens” cih pak huan nopci mahmahkhat nei uh a, tua pak huan sungah leitung mi minthang te mintamsak in Orchid “Paalpi pak” namtuamtuam nei uhhi. Tutung Aung San Suu Kyi akhualzin hunsung inzong zahtakna, pahtawina in Orchid mintapsakna neiding uhhi.

Suu Kyi pen Singapore azin nunung 2013 kumpek hita a, tuazawh tuni azinkikding hipan hi.

More: Brazil Football Team te tuanna vanleng kia, mi tampi si

Suu Kyi Singapore khualzinna ah Union Minister for Commerce U Than Myint, Minister of State for Foreign Affairs U Kyaw Tin, Ministry of National Planning and Finance, President’s Office, Ministry of Foreign Affairs cihte panin Officials pawlkhat in zuiding cih kiza hi. ZD Sawltak #zomidaily