Thanemna i langkhat ah ~ Nk Khanno

Thanemna i langkhat ah ~ Nk Khanno

Khatvei lai in ah Sengam ah tuitawi mikhat a om hi. A gol mahmah phelkhai nih aliang ah tuiciang tawh khai in tui a tawi den hi.

Phelkhai khat pen hoih nawnlo in a keh hi. Tui khuk pan tui diim tak in dimh mah leh inn tun ciangin tui a lang ciang bang kiam den hi. Phelkhai khat pen ahih leh keh cih thadah a depna khat zong omlo in a hoih sitset lai hi. Tua hi a, tuikhuk pan inn a tun dong mah phelkhai sungah tui a diim in a om hi.

Hi bang dan phelkhai nih tawh tui a tawi zawh kum 2 bang hong hi ta hi. Tua hi a, a hoih phelkhai pen amah le amah kihi sak in a om hi. Kei bangmah hoihlohna neilo, tui zong tampi pua zo ci in a om liuleu hi. Phelkhai hoihlo pen ahih leh a lungneu den hi. Aw ka thanemna, ka kicinloh sese aw….mite bangin tui a dim in ka pua thei kei mawk aa… a lang ta bek pua thei ka hi ve maw.. ci’n dah in lukun in a om den hi.

Hi bang teng tawh nikhat phelkhai hoihlo pen in a pu, tuipua pa kiangah “Pu aw, ken hong thum nuam ingh. Ka kicinlohna te hong maisak o maw. Hi bang gen ding zong kei le kei zumhuai kisa mahmah ingh. Pu aw nang lawp tak in tui a diim nong dip hang, kei kicinlohna, ka kehna hangin nang lunggulhzah, deihzah tui adiim in inn ah hong tun pih zo kei ingh.” ci’n khitui luang kawmsa in hong gen hi.

Hi bang kammalte a phelkhai tungpan in a zak ciangin tui pua pa in zong “Phelkhai aw… en dih ve.. inn lam ciahna lampi dung nangma ah pakte a pak zihziah lam na theikha hia? Nang na keh lam thei mah ingh. Tua aih ciang a, nang lam ah paktang te ka pawi hi ven.

Kum nih sung tawntung nang hih pang kungte tui a pia hi teh. Tun en lecin pakkung te hong palh zihziah ta in bangzah ta aa etlawm aa! Inn ah zong pakbeel tawh pak hoih te suang thei ta ingh… A zenzen in nang a omlo hi lecin hih pakte tawh ka inn koi ci zep theih mawk ding ka hia? Ngaihsun pha dih ve..”

Mikim in kicinlohna, thanemna kinei ciat hi. Ahizongin hih thanemna te a omna hangin thupha lamdang te a mukha ihi zaw thei hi. Zong i ithuai zaw hi. Hih i thanemna tangin Pasian in adang mun kha ah thupha khat tawh hong khek sak thei hi. Ahih hangin pawl khat te akitelmuh leh zong kitel muh kha ding hi, tun ahih le zong hipah kha ding hi. Nk Khanno Source: The cracked pot