Chicago hospital ah palik te’n thongkia zatolum khat kaplum
USA gamsung Chicago Hospital ah Saturday ni in SWAT Team te’n thongkia khat kaplum uh cih 9News pan kiza hi. Tua thongkia Prisoner pa minpen Tywon Salters kici a, kum 21 aphakhin khat ahihi.
Hihpa pen thongkia himahleh damlohna tawh Illinois, Geneva aom Northwestern Medicine Delnor Hospital ah zatui kibawlding “Treatment” in apai ahihi.
Zato sungah aomlaitak in Police Officer khat ii thau laksak in zato sungah nasem Nurse khat amah akidalhuk nading “Hostage” in mancip hi.
Tua Nurse nupen Hospital’s Emergency Department tawh akinai inndeisung khatah lencip hi. Police Officers te’n tuapa tawh ki lemtuahding in bang lunggulhna neihiam cih Negotiators tawh tawlkhatsung kiho uhhi.
Video etnopleh: Gunman Holds Geneva Hospital Staff Hostage
Ki lemtuah theilo ahih manin, anunung ciangin SWAT Team te zato sungah lut kipanpah uhhi. Nitaklam 5pm hunpawl in tua thongkiapa pen North Aurora Police Department pan Officer khatin kaplum hi.
Nurse numei pen bangmah liamna omlo hi. Thongkiapa pen tua zato ah May 08 ni akipan zato alum hi a, amah acingin aom Guard khat ii thau guksak in tuatawh Nurse nupen Hostage in amancip ahihi.
More: Chicago ah numeino khat asam Color zutkha ahih manin sanginn Class pan ki hawlkhia
Mawtaw kigu vaitawh April 11 ni in thu akibawl cih kiza hi. ZD Sawltak #zomidaily
Comment piaknop aomleh...