Thai gamsung aom zato khatah Bomb puakkham in mi 24 liam

Thai gamsung aom zato khatah Bomb puakkham in mi 24 liam

Thai gamsung aom zato khatah Bomb puakkham in mi 23 liam cih CNA pan kiza hi. Tuni Monday zingsanglam in Central Bangkok aom King Mongkut Hospital ah apuakkham ahihi.

Hih zato ah apuakkham pen aki theihcil in Gas kehkhia in apuakkham hiding ki ci a, ahi zongin Bangkok Police te’n Bomb panin apuakkham hizaw cih genkhia uhhi.

Hih Bomb puahkhapna hangin mi 24 liam in, ahuaisialua bel omlo uh cihi. Zato sungah aki umna Glass Window teng kitamkham ahih manin, tua te hangin aliam uh cihi. Glass Window teng ki tamkham in, munkhempeuh ah mankitam vive dimzihziah hi.

Deputy Police Chief Sriwara Rangsiramanakul in agenna ah Hospital sungkhempeuh thunei te’n sitcianna nei uhhi ci’n Reporters te tungah genkhia hi.

Ama genbehna ah hih zatosung apuakkham aomna gei ah Battery kitamthem leh Wire khaukhawng kimukhia ahih manin, hih apuakkham pen Gas Leak hilo in, Bomb aki sukham ngiatmah hiding cihi.

Bang lungtup nei in hihbang in cina kikepna zato ah Bomb ki sukham hidinghiam cihpen kithei nailo a, ahi zongin hihbang gamtatna pen ka mawhsak mahmah hi ci’n Deputy Police Chief in genkhia hi.

Thunei te’n zato sungah akithuah CCTV te sitcianna, etcianna nei uh a, athu akansan laitak cihi.

Video etnopleh: Bomb blast at Bangkok hospital, 24 wounded

Local Broadcaster Thai PBS te genkhiatna ah hih Bomb aki sukkhapna munpen Thai galkap akhawlkhin Retired Military Officials te tawlngakna Reception Room geina ah apuakkham ci uhhi.

Hih Bomb puahkhapna hangin aliamte pen Emergency Room ah zatui zaha kibawl uh cihi.

Tukha kipatlam inzong Thai gamsung aom Pattani khua ah Car Bomb akizom in nihvei tak puakkham a, mi 51 takin liamlawh uhhi.

More: Thailand gamsung Pattani khuasung ah Bomb nihvei puakkham in mi 51 liam

2004 kum akipan hihbangin nisimphial in gitloh gamtatna, Bomb sukkhapna, kikapna tuamtuam te hangin asi pen mihing luang 6800 bang valkhinta cizen hi. Southern Thailand sungah Muslim te tammahmah uh a, hih Muslim te omna limlim pen daihna sangin buaina piangsakzaw tawntung uhhi. ZD Sawltak #zomidaily