Ih tate’ Talent theihsak ni

Ih tate’ Talent theihsak ni

Topa Jesu leh a nungzuite’ an nekkhopna lim a suai pa Leonardo da Vinci (1452 – 1519) pen a neulai-in khatvei sual tungah lim suai-in meihol a kai hi. A nu in meihol tawh a suaih laitak mu in, nakpi-in tai’ a, a taw a sui lai hi.

Vinci zong kap dingin a kithawi’leh a pa hong pusuak a, “Hih lim kua suaih a hia, siam veh ee” a ci hi. Vinci zong kahpau’ kawmin, “Keimah” a ci hi. A pa in, “Bawino, hoih mahmah ei; mailamah limsuai minthang khat suak ni ciai; ahizongin a gelhna mun bel manlo mah hi” ci-in kamzol tawh a hilh hi.

Vinci zong tua ni panin limsuaih uk pha-san a, a pa’ kammal mah bangin leitungah limsuai minthang a suak hi. A nu mah bangin a pa in zong na tai’ gawpleh limsuai minthang suak zo lo ding hi.

• A pian kum : 15.4.1452.
• A pianna. : Italy gam Vinci khua.
• A pa’ nasep: Sitni.

Kum 14 a phakin a pa in limsuaih uuk cih a theih ciangin limsuai sinna sangah kah sak hi.

1495-1497 sungin Jesute’ nekkhawm lim a suai hi.

• A sih kum : 2.5.1519.
• A sihna mun : France gam Cloux khua.

Tu dongin ama’ lim pen France gam-a Louvre Museum ah kimu thei lai hi. Tdkhen