ZIUSA Genvai lutnuamte sana neih ding theihsakna (October 2021)

ZIUSA Genvai lutnuamte sana neih ding theihsakna (October 2021)

THEIHSAKNA (Notification) Date: September 18, 2021 To: Zomi Innkuan genvai tanute leh USA a om Zomite Athu: ZIUSA Genvai lut nuamte sanna neih ding theihsakna (October 2021).

ZIUSA Kipawlna min tawh sihna tungtaang ah $15,000 tawh luangkiphaamna mapang khopna ahi, ZIUSA Genvai ah kumkhat sung alut nuamte sanna January, April, July leh October kha-te ah aki neihna laak ah, October 2021 ZIUSA Genvai mithak sanna anuai-a thute tawh kizui-in sanna kinei ding ahi man in alutthak nuamte in nong lut na ding uh zahtakna tawh theihsakna hong nei ingh. ZIUSA Genvai lutthak ding cihciang in ZIUSA Genvai ah alut ngeinailo-te leh a lutsa innkuan sungpan kum 21 acingkhinte, nausuakthakte, innkuan zi/pasal kibehlapte cihteng huam hi.

NOTE: No i omna tek ah Local Genvai Tanu tung ah puak ding kisam hi

1. Innkuan kibehlapna te a puak ding te in alutsa Innkuan Lutang (Head of Household (HOH) min leh GV number tawh puakkhop ding kisam hi.

2. Alut nuam teng min sazian leh sumte October 15, 2020 ni anunung pen in ZIUSA Secretary of Genvai tungah atung khin ding in khak ding kisam hi.

3. Alut nuam teng min sazian [email protected] ah khak ding kisam a, mundang ah khak kisanglo ding hi.

4. Sum khakna ding:

• a) Check tawh a khaknuamte a dingin:
• i. Check Payable to: Zomi Innkuan USA, Inc.
• ii. For/Memo: October 2021 Genvai lutthakna
• iii. Mailing Address: Mun Mang, Secretary of Genvai, 1706 8th Ave # 304, Oakland, CA 94606

* $15,000 luangphmana pen Genvai lut zawh Ni (180) acingsate kipiakzah; lut zawh Ni phazah zui luangphamna Sum piakzah ZIUSA Genvai Thumeilet/policy sungah akicing in ki at hi.

5. Bank tawh Direct Deposit abawl nuamte a ding:

• a) Bank Name: Bank of America
• b) Account Number: 3050 0512 7447
• c) Account Title: Zomi Innkuan USA, Inc.
• d) Account open at: Tulsa, OK
• e) Note: i. Bank tawh Direct Deposit a bawl peuhmah in Receipt tungah kipawlna tawh alut-te in na Zomi innkuan min uh at in maanzaih in [email protected] ah puak/report bawl ding kisam hi.

6. Sum piakzah ding: anuai a dan ahihi.

• a) Single khat leh alutsa innkuankhat sungpan kum (21) acingkhinte: $ 36
• b) Nupa kopkhat guak: $ 42
• c) Nupa kopkhat + Ta (1): $ 42
• d) Nupa kopkhat + Ta (2): $ 48
• e) Nupa kopkhat + Ta (3): $ 54
• f) Nupa kopkhat + Ta (4): $ 60
• g) Nupa kopkhat + Ta (5): $ 66
• h) Nupa kopkhat + Ta (6): $ 72
• i) Innkuan kibehlapna nausuakthak, Zi/Pasal behlapna mimal (1): $ 6

7. Akisam thu (information) khak dingte:

• a) State ID tung dandan a Min, Kum phazah, Naupang kum (21) a cing nailote a suahkha leh asuah kum
• b) Zogam, Kawlgam (US tungma tenna) omlai tenna Khua/ Pu leh Pate tenna Khua
• c) Single leh Innkuan Lutang khempeuh in Phone Number
• d) Zomi Innkuan kipawlna a om lohna munte pan Individual alu-te ahih leh Full Home Address
• e) Minte mai ah Pi, Pu, Nu, Pa, Lia, Tg., Rev. cihdan in at ham tang ding kisam hi.

8. Theihsak behna:

a) ZIUSA Genvai lut ding ngetna anei khatpeuh in ZIUSA Genvai Thumeilet atel leh asang thei in kisim ding hi.

b) October 2021 Genvai lut ding ngetna anei khempeuh ZIUSA Genvai Thumeilet tawh akituak-te October 31, 2021 (Midnight; tenna local Time zone zui in Genvai Lut hihna sanna (ACTIVATE) kinei ding hi.

More: ZIUSA Genvailut teng leh Local Genvai tanute

c) Dot behnop, telcian lohna anei ten Secretary of Genvai Phone number: (510) 938-3866 tawh ki ho thei, ahih kei leh Text Message tawh kizopna kinei thei hi. Pu Mun Mang (Secretary of Genvai, Executive Officers, Zomi Innkuan USA, Inc., Cell Phone: (510) 938 – 3866, Email: [email protected]