Tedim News (16 August 2015)

Tedim News (16 August 2015)

Tukum Guahtamluatna hangin
Tudong Tedim leh Kawlpi, Mawtaw golte paithei nailo
Hakha khuapi zong paithei nailo
Vanman khangzek ta hi. Aktui tangkhat Ks 100 pan Ks 200 manta

Tedim gam ah Gunlei, Lui lei kisia 51 om hi.
Mawtaw lampi kibawl khempeuh cimmang hi.
Pasian kepna tawh, Ciau lampi kisia lo a, India pan Antang kinawn ziahziah hi.

GZA pan septheihzahin kisem hi. Tu lkaitakpen donghu, nek le dawn vai,
zatui zaha vai mah kisam kin pen hi.
Tedim pan ZYA te nasepna in ih mipih cimawhte nuntakna kem mahmah hi.
ZYA makiate, ihmu man lo liangin sem uh hi. Khuacim te vadelh uh a,
gamlak ah zan nih, zankhat vagiak uh hi.
Shalom Foundation te inzong aseptheih bangun, sem mahmah uh hi.
Kumpi lampan zong sem uh hi.
Tu laitak edim ah, Kahngen, Vongmual leh Then khuate, khauzangin hong tai uh hi.

Tonzang gam zong Nakzang lei, tui intai, Tedim lam Dolzang pheiteng
kisia cip ahih manin, alu a taw bing hi. Buhtang ipkhat Ks 70000 man
cih kiza
Cycle tawh antang nawn uh hi.
Gamsung khuano tezong cimawh mahmah uh cih kiza hi.
Tedim ZYA in Buhtang Ip 70 puakto a, ipkhat Ks 30000 in leisak

Kawlgam sung kinak siat mahmah ahihmanin, khamtung lampen huhna tam
hong tung zo phalo hi.

Gam om peuhmah in khua le tui ciat hong don mahmah ta un.
Tu bang hun a dingin Pasian in nang hong koih na hi a, na khua in nang
hong kisam mahmah hi.

Actress Thet MonMyint in khua pawlkhat hong huh hi.

Blessings!
Dimtui News