Ka phawkkhak velval kanu kam (9)
Ka sangkah pih kalawm kagual teng College aman uh ciangin khua panin pai khia in gamdang tung gai phial uh hi. Kei lah khua ah Sang sia sem in sun leh zan ka buai tha pai hi. Khal Sang khak ciangin Kapa kiang ah, “ Pa aw, ka lawm teng khua ah kua mah om nawn lo, kei zong khualzin nuam ing?” ci-in ka pa kiang ah ka ngen hi.
Nautum pen ka hih si leh khualzin ngei ngiat lo ka hih manin ka pa in hong pai sak ding haksa sa mahmah hi. Ahi zongin ka lawm ka gual teng khat zong om nawn lo phial ahih manin ka utna hong kham ding lah haksa sa mahmah zel hi.
Nitak khat Video en ka ciah ciangin ka nu leh ka pa na ihmu nai lo-in lupna tung ah na ki hoho uh hi. Ka ngaih ciangin kei thu ka nu tawh a na ki kumkum uh na hi hi. Ka nu in ka pa kiang ah, “ Bangbang ahi zongin ki lungnuam sak in la, muang in! A neulai in ‘hong gol ciangin sum nu sum pa va zongin i tha hong hong khek leh, ei nupa tawldam ding’, ci hilo na hiam?” ci! By, Pau Khan Kap April 23, 2014 Columbus, Oh
Comment piaknop aomleh...