Tulaai Leitung Thuthang Tuamtuam Updates September 10, 2015

Tulaai Leitung Thuthang Tuamtuam Updates September 10, 2015

• Zogam Zomi te khuapi khat ahi Lamka khuapi sung buaina anini in sosemsem a September 9,2015 ni in Numei te makaai in Khuapi sung siahsuahna leh lungphona nasiatak in zom uhhi. Mipi teel MLA te ahihleh apanmun pan unkhawlloding I in Manipur kumpi in September 9,2015 ni in puangkhia uhhi.Mipi sona peen Bill thum hepkhiat ding ciangpan ei le ei ki ukna ngetna ah kahto ahihman in athu sangkahto semsem hi. Zomi Innkuan USA in September 8,2015 ni in Washington DC India palaaizumpi maai ah lungphona nei uha, Tua lungphona ah midangte lungpho ban ah ding liailuai ciangbek hilo in Makaaipi 3 India Palaai pi zumsung ah tu hithiat in deihna bulpi sung ek uh ahihman in Zomi te masuantampi hongto ding in ilam en hi.

• Japan gam ah guahtam lua mahmah ahihman in September 10,2015 ni in Joso khuapi tui in tuum a mi 10,000 vaal in a inn uhleh neihsa te nusia in muktuliang in taaikeek mang uhhi. MIkhat mang a mi 12 liam cihciang kiza pan hi. Nung a Kawlpi a tuikhan sang nasiazaw himah leh gamkhat to khat ahihna tawh kizui in kumpi thunei ten Helicopter Leenna tetawh mipi honkhia ziauziau uh ahihman in misi mimang tawm mahmah hi.VOA

• Leitung ah mihingte zatding a kibawl Vante lak ah atam man leh mipi deihmahmah khat ahi Apple company te in iPhone6s,iPhone6s Plus leh iPad Pro namthum asawtlo in hawmkhia tading ci in Apple CEO Tim in September 9,2015 ni in taangkokhia hi. Tutung a ongsuakthak ding Phone leh iPad te peen asiik zong khauhzaw battery zong haatzaw camera zong hoihzaw zong tamman zawpah ci uhhi.BBC

• Ongtungding kum 2016 kumciang US gamte in Refugee gamtuamtuam pan 70,000 kiim laakding geelna nei uha, tualakpan tulaai tak abuai phadeuh gam ahi Syria gam pan in 10,000 lading ci in President Obama geelna Inn Kaangpi tanu Josh Earnest in September 9,2015 ni in taangkokhia hi.BBC

• Syria gamsung ah Russia ten gaalvan bek apuak hilo in Gaalkaap tha mahmah tawh huh uh ahihman in NATO ten Russia tekiang nakidawm mahmah un aw nathuak nopkei uhleh ci in September 9,2015 ni in vau uhhi. Russia bek hilo Iran gaalkaap zong adim aha in luut hi ci in Israel ten September 10,2015 ni in gen uhhi. CNN

Lungdam
Thang Khawm Pauzomi