Tedim Labu vai kuppihna ~ Pa Khuppi

 Tedim Labu vai kuppihna ~ Pa Khuppi

Zomi u leh nau te aw i damkim hiam aw? Tedim labu a (7) vei na bawlding cih thu sia Dal Tawng in honggelh kamuh ciangin ka lungsim aa omom ngei khat hong pulak nuam ing.

Tedim labu a kibawl masa pen mah ahoih pen in ngaihsun ing.1975 kum ciangin Zogam ah khan lawhna hong tung a,Rev Gin Za Lian in mangla pan alehkhiat la hoih tom no Piangthak te biak innsungah kisa ziahziah pan hi. Tua tawh ki zomto in,khat tang lasakna (solo) githa tawh kisa toto ta hi.La phuak zong hongtam semsem in kikhangto hi.

EBC leh AG pawlpi hong kikhen khit ciangin AG pawlpi in Tedim labu hong puahpha/khek in, AG pawlpi sungah pello zat dingin thukhun bawl in zangsak uhi.

EBC, ZCLS te’n zong Tedim labu hong puahpha/khek uh hi.Sang mang Rev.Hau Go in zong phuahpha/khek in hong bawl hi.

Tu in kei ngaihsut na-ah Tedim labu kibawl masa (ZBC labu) mah amal laihlaih selo in,akisa mun lualo pawlkhat phiat in, la thak pawlkhat guanbeh zaw leng .

Tu hun tawh akituak in staff note zat ding hoih a,la mal te khekkhek dinghilo hi.

ZYA pen biakna pawlpi(Church) leh party (nainganzii)kipawlna hilo ahih manin,Zomi aa ding nasep nate ah pilvang tak in hong sem dingin kong lam-en hi.

Kei ngaihsut hoih kasak agen ka hihmanin,nang aa tawh akituah kei leh hong thei siam ing.

Pa.Khuppi

Tedim Labu tawh kisai 7th Edition vai

Labu tawh kisai 7th Edition bulphuh in puahpha in bawlphat kik nading vai ah thusung pa khat ka hihna tawhu ileh ZYA phutkhak haksatna tungtawnin thu kisung ZCLS lai kikhak in tua tungtawnin hih ciang kitung khinta pen khat le nih a diakin Sabuai lamte thu kineihsaknopna hangin 1900 hun lai a back a nungkin kik i hi hi.

Mailam khangthakte ading vision neilo leitung khuahun paizia mubanlo Cope topa hun lai Zomi tuiphum dinmun thupi a sa lua lai makai ki om lai cih ding hi. Bang teng hi leh ZCLS lo tawh Labu kibawl thei lua ding hiin nu le pa dinmun a a kikoihna kiam ding cih hi lel hi.

Bang hangin ZYA in Labu bawl ding lunggulh dih dih a, 7th Edition cise i hiam cih leh

1. Sanggam RC te tawh kibang thei baih pen ding

2. Translation dik/mankim zaw banah Ryme neikim zaw saupi ading hoih zaw kei banga a lui zongsangte in bel nuam salo, kei khang bek ki-en nawnlo in khangthakte kikhualzaw ta hi.

3. Solfa pen i deih mahmah hang leitungin tam zat nawnlo in khangthak hun ah gual ban lah ding tun Staff notation i zat kei leh.

4. ZYA omna khuakim ah nopna dahna hun ah lamal kibang la sakkhop ding khangthak Zomite in kisam kisa lua hi.

Tun kua kua in i bawl zongin Lamal kibang ta ding suakin Labu min hong kibang kei phial zongin ZYA lam pan lunggulhna 90% a kilawh cingin kingaihsun thei phial ta in i lungdam cih ding hi mai hi.

A tawpna ah Tonzang Triennial in sum bei in laibu in hawmin thu ka sunga ka thusunna tungtawnin Triennial thukimna ahi mikang la tawh thuahin Staff note zang ding kicisa pen BM in khel kik in Triennial ah kipsak kik ding maw 2/3 in a zawh kei leh Triennial thukimna leh thukhensatna kimang zaw ding hi thupai zia kalsuanna man in ZCLS kalsuanin i mite makaihni i cih ding leh.

Ka thu sun hong kimang theisuak hi leh ZCLS in Labu tawh kisai Copy right neithei dinga, utbang bangin mailam ah Labu ki mawk bawl nawnlo ding ding a lunggulh hi veng ingin tun Copy right kua in neiin i Labu i bang ci kepcing tam maw.

Zattang zang Labu danin ututna la in bawlin sak ding hi lel ding hi. ZCLS in Copy right nei ngiatlo a hih manin tun zong a ut peuhpeuh sum nei peuhpeuh in i ut dandan i deih dandan a kibawlthei Tedim Labu hi lel. A taktakin ZCLS in zong sum tampi Labu bawl nading a nei hi kei Laisiangtho zuak man Bible Siciety ah Leiba tawlpuak a nei hi zaw mah laiin zum huai lel hi hang.

Sum le pai vai ah biakna makai akicite in ZYA makaite tungah nong ain dinguh kong hilhnop uh tam mahmah hi. Makai sum le pai vai ah gin omlo citak zolote peuh mah tu mahmah i theih hunhun in tawpsak lianlian kei leh i kipawlnate picing zolo ding hi cih zong ngaihsut huai ding hi. Lungdam.

Veiluatna tawh Yangon – Mandalay kikal Motor tung pan kong at a hih manin laimal khialte leh kamval a om khate nong theihsiam nading un Jesu min tawh kong thum hi. By Sia Daltawng