Egypt gamsung aom Cathedral biakinnpi khatah Bomb puakkham, mi 25 si, 47 liam
Egypt gam ii khuapi Cairo aom biakinn sungkhat ah Bomb puakkham in mi 25 si cih Reuters pan kiza hi. Asi tuazah banah aliamzong mi 49 bang pha cihi. Zanni Sunday Mass kikhop laitak in Bomb aki puakkhamsak hi a, asi aliam lakah numei leh naupang zong tampi kihel uhhi. Egypt gamsung aom Christian te ki bawlsiatna lakah tukum adingin ahuaisiapen inzong ki ciamteh hi.
President Abdel Fattah al-Sisi in agamsung ah Economic Reforms abawlkhit ciangin mizawngte hehmahmah uh ci a, tuatawh kizom in hih Bomb puakkhapna hongpiang hi kici hi. Tuaban ah biakna vaitawh buaina tamin nungdiak inzong Muslim Brotherhood te tampi kiman in thongkidenna kici hi.
Cairo khuapi sungah migilo te’n tamveipi buaina piangsak uh a, tuaban ah leitung muntuamtuam aom akizoppih te uhzong tuabang mahin agamtatding un sawlna pia uh cih nungkal inzong kiza hi.
Hih Cathedral biakinn sung Bomb puakkhamsak pen amin apholak omnailo a, ahi zongin IS apanpin te’n Social Media tungtawn in kipakin pawibawl uh ciliang hi.
Pasian in hih Bomb puakkhap nadingin agamta te thupha piahen “God bless the person who did this blessed act” ciliang uhhi.
More: Malaysia gamsung aom Kawlgammi te kidop huai semsem
Behlapna: Lawmtepen biakna vaitawh kipumkhat vilvel uh a, hihbang gamtatna pen thupha ngahding cihlam vive in ki hanthawn mawk uh ahih manin lauhuai mahmah hi. Christmas pawisungkhawng mipi tamtheihna munte ah hong ngongtat khakding uh lauhuai, kidop huai hi. ZD Sawltak #zomidaily
Comment piaknop aomleh...