Zomi Movie kong biang dongah ~ Sia Do Khup

Zomi Movie kong biang dongah ~ Sia Do Khup

I ngaklah Zomi movie edit zo dekdek ta hihang.

1. Topa sawlna tawh kihanciam hi. (Hong tung ding hunah na tate un, ‘Hih suangtumte bang a cihnopna ahi hiam?’ ci-in hong dot ciangin note’ lakah lim khat hi ding hi. Joshua 4:6)

2. Tangthu zong Topa kiang pan hong pai hi a, Tulsa Crown Plaza hotel ah kha khat sung ki at khop hi. ZBCM biakinn ah Rev. Kap Khan Mang in tangthubupi Topa tungah ap ngiat hi.

3. Biakna Movie hi a, Tulsa Myanmar Christian Church leh Far East Mission Church te bulphuhin kila movie hi a, pawlpi tuamtuam leh mimal leh kipawlna tuamtuam panin sum, mawtaw, van tuamtuam tawh hong huh ciat uh hi.

4. Holywood panin Tg. Gin Mung leh a lawm namdangte thum in hong makaih uh hi.

5. Zomite hanciamna sum tawh kizaih hi. US $ 60,000 val (Ks.90,000,000, Tengh 900)val bei hi.

6. Thangno leh Cingno in a nasep uh tawpsan ngam uh ahih manin kha nih val suakta takin kizaih thei hi.

7. Tg. Dalpu in ama thusuak ngiat tawh US $ 17,000 (Ks.25,500,000 tengh 250val) man Camera hong leisak ngam ahih manin lungkim dong kizaih phapha thei hi.

8. Kha Siangtho in hong ompih mahmah ahih manin video zaih laitak Niangbawi siamna hangin a om khempeuh khitui luang ciat a, ei pau a theilo Camera man zong kap hi. Movie zaih khawl photin Topa tungah ki-apna kinei ngiat hi.

Hih a dingin a gim kha khempeuh tungah lungdamna lianpi i ko hi. Topa in thupha namkim hong pia ta hen. Sia Do Khup