Galtai mi awn thum pha

Galtai mi awn thum pha

Syria gam ah tualgal ki sim na hang in galtai mi awn thum phata hi ci in UN in gen khia hi. March 2011 kipan galkisim na hang mi 191,000 si khinta in, awnguk leh alang in a inn alo nusia in, Syria gam sungmah ah ki phual in om uh a, mi giat ciang khat in gamgi kantan in galtai uhhi ci hi.Tua ahih man in annek tui dawn ding UN pan buai pih uh a, haksa sa uh ban ah tulaitak leitung ah atam pen galtai gam ahihi.

Hih Syria kumpi President Bashar al-assad langdo na hang in nasia tak in buaina leh haksa natampi om hi. Tua a kumpi alangdo te lak ah Islamist te al-Qaeda te makai in, U N galkap Golan height a gal daina om na ding a nasem phillipines mi gakap 43 te man uh ahih man in, nakpi tak pautau na om in, UN pan in akiman te akhah na ding un, ngen uhhi. Hih Golan gam pen mualsang khat hi in , suang pi vive aom na mun hi in, Syria saklam ah om hi.1967 kum niguk galki do lai in , Israelte in a ngah gam hi in, 1973 kum in Syria kumpi in lakkik sawn ahih hang Israelte in phallo hi.

Hih Golan pen mun sang pian khat ahih man in , Israelte in Syria te pia kik bang hileh Syria te hih mun pan Israel do uh leh Israel te ading haksat na lauhuai na om ahih man in pialo in, U N te in UN galdaihna akem galkap koih in, kua gam kua gam ahi zong,thautawi ki om sak lo hi.UN galkap 1224, om in, tua te in Fuji, Indian, Nepal, Netherlands leh Phillippines te ahihi.

Ebola natna pen mi 20,000 te tung ah kilawh thei ding hi ci in WHO in gen khia hi.Ebola zatui a hi ZMapp pen zawngte tung ah asin uh leh ki zang thei hi.Mai kal ciang in natna neite tung ah kisin ding hi ci in US te in gen khia hi. Hih nat na hang in mi 1,552 si in, 3,069 in natna nei ci in, Liberia, Sierra Leone, Guinea leh Nigeria gam te gen khia hi. Kawlgam ah hih natna nei ding in kilam en ci na te ii sisan zong WHO te ii phalna tawh gam dang puak thei cih kumpi te in gen a , ahih hang koi gam ah puak cih gen lo hi.

IS te pen Syria gam ah zong na tat sia mahmah hi. Kurdish galkap khat zong ngawng tan sak a, Syria galkap 160 te zong man in that uhhi. Hih IS te in zong Israel vua ta uhhi.US te in koih cih bang in sim ding cih agelgel lai hi in, UK te zong migilo te in vua ta uh ahih man in galsim dingki thawita hi.

Guatemala a om, Jews( juda) te a om na khua pan in tai khia in ki sawl hi. Tua te in Orthodox Jews te ahihi. Juda te in Guatamalan indian khua ah kum guk bang om khin in, tua lai a om gam mite in, Orthodox Jew te in hong langbawl ka ngeina thukhun te uh palsat hi ci in, Juda te in ki lem na deih ka hih man un ka pai khia ding uhhi cihi.

Ph.na tawh kisai thei huai thu pawl khat:

1. Mipi tamna, bus sung, zato inn, meileng sung ah ph.tawh na kihopih ciang damdam in pau in.
2. Biak inn sung, mettingna ah na ph. slience ahih kei leh off in.
3. Ph.tawh athu pi mahmmah ahikei leh mi ihmut lai in hopih kei in.
4. Hong ki thei keitah ci in , ph.tawh (sms ) lai hoih lo, lim hoih lokhak ken.
6. Mi nawngkai sak na ding in na ph.zangken.
7. Ph.na lei ciang, bang hang in lei ding, bang deihna in lei ding, na leih khial loh na ding in ngaihsun phapha in.
8. Model thak om zelzel ahih mman in, sum huahlua na hih kei a leh atam man lei ken.
9. Ph.pan cancer ki ngah thei ahih man , na lup ciang na kiang nai ah koih ken, na cisa tawh ki dai kha lo in pua in, na puan ip ahih kei leh thunkuah ah koih in.Na kawng ngaktung ah koih ken.Na ph. tawh mi na hopih ciangna bil tawh ki gamla sak in ahih kei leh ear ph. zang in, naupang te alungguhngeklai ahih man in ph.khoihsak ken. Cin Ngaih Ref: the star paper, the times Israel, bbc